Popular Bible Verses from MATTHEW 16

Share

Chiwui thili Jishuna awui sākhangatha̱bingli hānga, “Kachikathāna ithi shurga jiakha, khalattali malaihailaga, awui krush phungda ithi shurranu.

Kala ina nali kahāngna, na Peterna kala lunghār hiwuitungli ina iwui church sākara, kala kathiwui pangshapna chili mayuirarmara.

Ina nali kazing wungramwui sho chi mira, kala nana okathuili khalap kahai chi kazingramlila khalaphaira, kala nana okathuili khalākhami chi kazingramlila khalāmira.”

Khikhalajila, awui mirin ngatangkhuira kaje a chi shimānra; kala kachikathāna iwui vang eina awui mirin shimānmiakha ana chi samphangra.

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

Ana athumli hānga, “Kha nathumna I khipāna da hāngkhala?” Simon Peterna ngahānkai, “Na Khrista, kharinga Varivarawui Naomayara china.”

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.