Popular Bible Verses from MATTHEW 11

Share

“Iwuili rālu, kachota kala otphun kharit kaphungbing saikora; ina nathumli ngasāmkhui ngasakra.

Iwui kashai hieina phunglu kala iwui eina tamkhuilu; kaja iya malungkhanima, wuklung tākui kahaiana, kala nathumna ngasāmkakhui samphangra.

Kaja iwui kashaiva phungpailaka kala iwui otphun ngavenglaka.”

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

Chieina Jishuna athumli ngahānkai, “Ungulu, kala nathumna shākahai kala theikahai chi Johnli unghānglu: mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

Shākhui khavai khanā kakā a china shākhuiranu!”