Popular Bible Verses from OTSAK 5

Share

Kha Peter eina paokazatbingna ngahānkai, “Mibingwui tui nganāki kajipale Varewui tui nganātha̱ra.

Kala thangkachida athumna khorumshimlila, shimlila Jishu hi Khristana kaji hākashok, tamkachithei mathāhailakmana.

Chiwui thili Peterna hānga, “Ananias, kathada nana chipeewui tui khuilaga Manglā Katharali kapikta lam khayorwui aman ngayarda thumhaokhala? Lam chi mayorranglakha nawui maningmala? Yorkahaiwui thili chiwui aman chila nawui maningmala? Chithākha, khiwui vang eina nana chikathā ot sahaokhala? Hiya mikumoli kakapik maningla Vareli kakapikna!” Ananiasna tui hi kashā eina kongluisangda thihaowa, kala kashā saikorana ngacheelakhaowa.

Chieina ajawui tuishot hili ina nathumli kachangkhat eina kahāngna, mibing hili khikha masālaklu. Athum ningsasakranu. Athumna khangarān kala otsak hi mikumowui eina kashokna jiakha shimānhaora. Kha hi Varewui eina kharāna jiakha, nathumna athumli mashimān ngasakrarmara. Kala nathumna Vareli ngakaikashi ngasāsāpai!” Athumna Gamalielna hāngkachithei chi khuisanga.