Popular Bible Verses from MARK 13

Share

Keinung'tlim thimi nammane naya machinheirou. Heitoubi kluibil kanthram thimi heiyari kalpirou.

Naiyei ukning karbilne muheiyalo, kanthrambi doulak, kouweiyo toulanungri nane kheen heiwari kouwawo touri mumaklei.

Heirou naya manbine pichar bira uryeinung nane koutoubi yunserou toubi uksamak, kheen hungeinung nanungei pikur tlouya yunlak. Heirou nai yunkur tlou heiri naikyun nimak, heiya Lhawai Khyingei kyun.

Thangwan'le tlaipangpalri maangheirou heiya Keiyei tloulhang rapri ker khatkhi maangmakrou.”

“Pawa nimakne, Chanapawa heinekhi, Thangring rapnekhi kheen heiri kouwawo touri mumaklei.

Heitoubi nane tlanarei-naknarei raalpao mayekbinekhi nai ukning plangurmak, heinaksi paonilri hungthukeirou, heisiyanungkhi heiwane tlaipang luina kheen hungtlungame touri nimakhui.

Heineri nai ukning muheiyalo, ngamri Cheempune rawainung, nimanung yantrimnung, nimanung nungwarwainung, nimanung nunghangnung hungrouko nane mumak. Heirou Ane haophut yonganungri nane ipbi kleiya chanphakur kya. Heirou Keine nanungei kyun ari namnungkhi kyun; nane mukheine loukarngeilak!”

Krungram khatle krungram khat, heirou Krung khatle krung khat raal kardourilheirou, heitoubi bi kantangrou linglang khngaakrou, chaktangkhi thukrou. Namma heiri napuiyaei naopuknei manshan kna heinakrimkhui.

Heirou kluiyei kheen hungbongnung lhangai paolaa awaya thimi kantangnung mayekyerrou.

Thimi kounakne ‘Keiri Jesume’ toubine Keiyei minra yunbine hungthukeirou, heitoubi thimi kounakya lehsoyerrou.

“Heirou naitam ukning karbilne malungdamni leiyalo. Naya manbi pichar-bira urheirou, naya Pukhrumna cheemra urlhakbi um-phitkhi touheirou; Keinung'tlim lhangai-paolaa shunthutrou nane Krung rapbei heirou ram kngaak upa rapbei maibongra mayungeirou.

Heirou Christame heirou thimkhuime toubi toukarsa thimirap hungrou, heirou maniyanungri khalthutkur rapyakhi lehni ruichingnanungei toumani lhou heirou kngakei lhou kounakya mutrou.

“Klah-knangei tlainirap aei hillou kinni katmehrou, tanglakhi warmakrou, Nungthourei sorwani yendawurou, heitoubi nungthourei klei namyerwa heiya mantrangne khngaakrou.