Popular Bible Verses from KANTHOUNA 24

Share

Heitoubi ani shunchabini kyun, “O UMPU, keiyei cheempu Abrahamei Dunpu; keine khrumchalei, angtutou tlaini arou keiya likarsui lhangai hoiyerpilaklo; heitoubi keiyei cheempu Abraham'nung Neiyei chut naimakei malungshipi heiya mutpilaklo!

Yui shukrou wathukkur nangaka khatya, ‘Neiyei yuikhangcha mathrumbini keinungei yui thacha pimonglaklo’ toubi keine loubuyeinang, heirou ani, ‘Monglaklo, heitoubi neiyei ut rapyakhi namyer keine yui pimongeise’ toubine louyunrou kyou nangaka heihakya Neiyei shikrui Isaacyei nu'nungei hoiyerpilaklo. Heiyanungri Nangni keiyei cheempuya malungshikhei mutpiwurlame toubi keine murou.”

Heirou Isaacne Rebecah'ya lourobi, heitoubi aya cheemra yenruilhakbi karngayerkur. Heisitoubi Rebecah heiri Isaac'yei nu hoikur. Isaacne Rebecahya beimakni malungshi. Heisitoubi yani aiyei puiwi hiwurhillou lhangai-karbilni paalthungkur.

Heirou yani asi yunbini Rebecah'ya phor shampithungkur, “Nangri kaichar, heirou nangri yu-charap lishing-lishingei pui hoiniyasu. Heitoubi neiyei yu-cha rapne yaya yeekna thimi rapbei doura kulchalbi paalniyasu.”

Heitoubi keine neiyari thangmun heirou Tlaipangei Pu UMPU Dunpuei minra tlou kantomyerrou, touri nangni keicha napawaei nu heiri keine paalmalnabi klei Canaan'yei thimi rapbei cha' nyul rapyari loubaangpimakrou da. Heiya nangni, keiya pukna ramra wabini, keiyei teinao rapbei cha nyul raprei khatya keiyei chanapawa Isaac'nungei nu khoini loubaangpirou da.”