Popular Bible Verses from PAOCHA 2

Share

Heirou Peter'ne yanungei loushun, “Na thimi napung kantangne ai'aiyei borh'rouwei ukning hungurbine heirou Jesu Christaei minra nane yui luplanungri, naiyei borhya kukpirou; heitoubi nane Dunpuei hutthul Lhawai Khyingya pharou.

Yane yaiyei rongchanrap heiri Paocha thimi raprouwei marnobi, heitoubi yane khatle khat pulne kartilbi, heitoubi kantlangne chaamai'malnabi, heirou khatle khat shuncha malnabi leikur.

Heirouri ya namyerwa heiri Lhawai Khyingne thimwurbi heirou Lhawaine yaya yunyerkur hilthungne yane tlou limlim yun'manekur.

Heirouri tallengne nungthourei lhimnungei hounakne katfyoubi, heirou yai kartilbi leina cheemwai heiwari houni bil thimkur. Heirouri meithlan kmal maleini kanchekchabi heitoubi thimi napung kantangya yenthirkur yane loukmu. Heirouri ya namyerwa heiri Lhawai Khyingne thimwurbi heirou Lhawaine yaya yunyerkur hilthungne yane tlou limlim yun'manekur.

Tlainiserrei yane Pukhrumna Cheemra kartilbine murilkur, heirou yane yaiyaiyei cheem-cheemra chamainung murchak marshikbine, khatle khat ukning khyingle kalhonne chaamai'malnakur. Heitoubi yane hakraole kalhonne Dunpuya mathangbi, khatle khat haraomalnabi leikur. Heitounei ngamrou kalpi phakur thimi rapya yaihangra tlainiserrei Dunpune chungduiyerkur.

‘Luiniyei tlainirou keiyei tourou kyou lhouri arime’ toubi Dunpune yunlei; Keine thimi kantangnung Keiyei Lhawai shungsundapirou. Naiyei chanapawarap heirou chanapuiya rapne Keiyei paolaaya shunthutdeirou; nai douwa rapne kar'anbi mitmai warrou, heitoubi nai tara rulni rmong manrou.

Uklum thimirap nammane lokpane kartilbithil leikur, heitoubi yane yaiyaiyei klei putchei namma khatle-khat yerrilbi trungpirilkur. Yane yai'yaiyei putcheirap heirou yekul rapkhi yorwurbine, heitoubi tuy heiri yaihangrei kanring-kanwai thimi rapnung yerpikur.

Heirouri hukounak khatne trungpinanungei Dunpuya unglanungri kalpirou.”

heirouri kinnikhi katmehrou, heitoubi tanglakhi hee'nakne mraorou, lhourap heiri Dunpuei tangdui thang'alle houklumei tlaini hungbongnung thukkeirou.