Popular Bible Verses from LUKAQ 9

Share

Kiimaq apaiq raq tsangshiq tarü ma chongkuqto, “Ashi ra raq ngi rai wadam lungwii tlaq jiila, apaiq raq maiqmii khum ka alaq riibaiq ra tlo. Raüta, maiqmii pumsongkham kra ranaiqtek piwan shat maq wawan ra tlo. Raüta, I jai phan phan wa chang.

Ara jamkhano chongtiikang ngukla, jurwa maiqmii rilung ka tiichhii wanla nguta tiima tlaq, kriiti raq, arilung ka atiimo mirbaiq. Shatmaq, jurwa arilung ka ngi miitu tiimo baiq tlaq, kriiti rilung ka atiichhii mirkuq wan.

Kiijiishe, “Jurwa phu maq wak ka thu pha tlaq, shatmaq, nithe lam maq, jai nü niili liikiki rangra rai tlaq, kiikhiiti ka Shiikeawe mungtan na thiihü,” nguta Jesuq raq apaiq ma nguto.

Riita, maiq ashi ra raq, mangjong tlotli ka milap ngu i na. Shatmaq, arilung ka mitiimo baiq, lo tiichhii wan lot mak miraq ngu i na. Kra ngu haü jiika, apaiq ma jamlai liip wa midong? Jamliip min ahü!

Juwa ngi ma kiimaq ara i bomtsi shrinkuq tiikang arma, ajiasi riitlaq jiika, kriiti miika, Maiq Se kiimin apaiq, khushü ngao kiimaq Awe khushü ngao chhainyii liliim, kiimaq asii rasetiim khushü ngao kra ho raüta saüho tlaq akhing ranaiq na, kriiti ma ajiasi mirwan.

Kiijiishe, Jesuq raq abom ka, “Miikakoi miika abum chang asha asi. Kiimaq peshap wushi sitlaq kra miimin, achhü ka asi. Shatmaq, Maiq Se miika, rawa mak tiichuk chang wuchüse ikha dongdii min jam ahü.”

Raüta tsangshiq ma chongto, “Liirong laq, jurwa ara nonose ara, i mang na tao tlaq, kriika ngi tao tlo. Kiimaq jurwa, ngi tao tlaq, kriika ngi tiikaiti we kra tao taitlo. Ara jamkhano akha chongtiikang ngukla, namtsam phong na, juwa aran pinthum nguta sitlan, kriika wiitarü thaq na ajong pinthum.”