Popular Bible Verses from JOHAN 6

Share

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

Kiijiishe, Jesuq raq treto, “Shiikeawe raq namshiq ka apaiq raq atiiki, we kiima kam ronglaq nguta thaütlo”

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

Ngi ahata ramungtan wa asaüki atra tsitsü raü winsii. Jurwa ara winsii ara miphaq, kriiti ka pattup pat-sa atrali she misi wan. Ngi raq apaiq ma winsii mikuqha ngutiikang arka, i han ngam phu ara mikuqha. Ara i ngam phu kuq tiikang arka, mangjong maiqse ka atra tiisi wan miitu kuq tiikang.”

Ngi tiikaiti i We raq shunshea raüta, tiinyap wan hü miika, i puk na jumin nyap wan lot mak. I puk na nyap wanti ka phangthum ranaiq na, ngi raq amaa wa atra mitiidong wanha.

Ara jamkhano chongtiikang ngukla, Shiikeawe raq kuqtlaq winsii ka ramungtan maq mangjong hiq na satkito she. Raüta, phiija maiqse ma rilung kuqtlo.”

Ngi ahata rilung winsii.

Jesuq raq winsii ka ajaq na sham raüta Shiikeawe ma kechu tumto. Raüta, maiqphong ngatlaq kiima tiiphea kuqto. Ngiq phuse nai kiimin kiikhiisii hali kechutum raüta, nokmaiqse ma tiiphea kuqto. Krai mren, maiq tarü raq wok phetak chhaq phaq siqto. Nokwe raq phetak phaqsea lot jai she, Jesuq raq ajaqshisetiim ka, “Apun awun seabung atiichong ka wiita riichom ronglaq. Akhiismin tiiwiihii raa mak,” nguta thaüto.

Ajaqshisetiim ka lai maq meng biingi tin sha, trok tin she wa jiiq wanto. Kiijiishe tsangshiq raq Jesuq ka kham thaq maq tsangshiq lai tho nü na awa rai chhito. Kra chhi raütiishe tsangshiq ka pinthum kiinyiito. Kiijiishe, Jesuq raq, “Namshiq ka naqhai rongkiq. Arka ngi tiina!” nguta tsangshiq rai bomdamto.