Popular Bible Verses from RAPHA HIQWA LAK 35

Share

Kiimaq Shiikeawe raq apaiq ma nguto, “Ngi Ka Ningkun Ajong Shiikeawe. Ümsetiim ka paheashe mipuchi wan laq. Ümlai ümla kiiwa maiq mung pahea she mipu wanlaq. Kiimaq ümniika hokhambi thun ma kaüwati mija wan haü. Ngi raq Abraham ma kiimaq Isak ma kuqkang mung kra ümniima mikuqha. Kiimaq kra mung ka ümnaq tsaijai ümsaü ümsetiim ma mikuqha.”

Nashiq ka armaq alaü she mirho rong i. Laita Bethel hiq niishe mikiho rong i. Kiijaq ngi raq ngi khrum keti Shiikeawe, ngi ma litkot chamchao ranaiq khrum ketiwe kiimaq ngi ümriiba niiwa khum wan kang kiijaq ngi rai nong nong maq siwantiwe ma berong-wacha ashi mihaiha.”

Shiikeawe raq apaiq ma nguto, “Üm mang ka Jakob. Shatmaq ümchaü armiiphat sanha, ümmang ka Israil miraq.” Kiimaq Shiikeawe raq apaiq mang ka Israil ngutiishe mangto.

Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.

Shiikeawe raq Jakob ka thaüto, “Bethel hiq na jaqlo kilaq. Laüta kiijaq silaq. Kiimaq kiijaq Ngi miitu berong-wacha ashi hailaq, ümniika ümphu Esau ma hai ma juwan tlaü akhing na ümniirai riihumtaq Shiikeawe irma.”

Shatmaq apaiq ka atsai wan she riito, kiimaq atsitsü apit wan niishe apaiq raq ase ka Benoni nguta mangto. Shatmaq awe raq no ka Benjamin nguta mangto.