Popular Bible Verses from LOBMUNG 37

Share

Subraiyungni thani bwkha srang di, hakhe bo nini bwkha muchungmano rwnai.

Nini yapri Subraiyungno yaphar di; bini thani bwkha bera di, hakhe bo nono chubanai.

Subraiyungni bwskango siring siring wng di, tei bwkha logwi naisingwi tong di; hamya chapmung chapnairokni hamma chamano nugwi ámang-chímang ta wngjak di.

Subraiyungno poito khlai di tei samung kaham tang di; hakhe nwng ha-o tongnai tei kirimung kwrwi khe tongthogwi tongnai.

Borokni yaprirok le Subraiyungni aroni se, tei bo bwkha phurjakma tẃi yapri sénaino songcha-o; bo klai phano katswi klaiwi tháng súk glak, tamni hwn ba Subraiyung bini yakno romwi tongo.

Bo nini kahamno chati hai khe kwchẃng khlainai, nini bujsóino dibor khiring khiring phuruni hai khe kwchẃng khlainai.

Thamchi tung yaui tong di, jolimano khibi di. Ta músú di, abo bai hamya se khlai-o.

Ang sikla tongmani tabuk chakra wng kha, tamo khe tabuk phano borok kahamrokno haino klaijak khe eba bini bwsaroknobo chámung ma bírma nuk ya kho.

Samung hamya tangnairokni bagwi nwng ayuk-muyuk ta wngjak di; samung cha ya khlainairoknobo ta músú di