Popular Bible Verses from Luk 9

Share

Ona tayom sanamkoe metatʼkoa, “Jãhãege ińakʼ horte hijukʼe menetʼ khan uni do acʼakʼ kusileka aloe calakʼma; ar dinạmge acʼakʼ krus gokʼkate ińe pańjańma.

Jãhãe acʼ lạgitʼ bańcao tahene menetʼ khan uni do acʼakʼ jiwiye khuạutaea; menkhan okoe iń lạgitʼ acʼakʼ jiwiye khuạutae, uni do onae bańcaotaea.

Jisu do uniye metadea, “Nahel kãṛbare ti capokate tayom secʼ beṅgetʼicʼ do Isorakʼ raj lạgitʼ lek doe baṅkana.”

Ar jãhãege goṭa dhạrtiye lab iạte acʼakʼ jiwiye khuạutae enḍekhan uniakʼ do cetʼ porho hoyokʼtaea?

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ do tukạ menakʼa, menkhan Manwa Hopon do bohokʼ dohoetae reakʼ jaega hõ bạnukʼtaea.”

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”