Popular Bible Verses from Luk 8

Share

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅkan ar onare ṭarhao akae tahente jionreko gele belekʼ kana.

Jạnum jhạwạ talare ńũren itạte do onko lạgitʼge roṛ akana, okoe doko ańjometʼkan, menkhan jion reakʼ horte calakʼ calakʼte gharońj reakʼ dand-bhabna, dhon-durib ar suk talareko ten ocokʼ kana. Ar onate onko do jionre bako gele belekʼ kana.

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Uni do celakoe metatʼkoa, “Okor tape biswạs do?” Celako do botor arko hahaṛayente ako talare memenko ehopʼena, “Nui doe okoe kante, hoe hõ hoe ar dakʼ hõ dakʼ kin bataoetʼtaea?”

Hor aṛere ńũren itạte do onko lạgitʼge roṛ akana, okoe do kathako ańjomketʼ, menkhan unrege Soetan do hecʼkate onkoakʼ mon khon onae halaṅ idiya. Ar bako pạtiạukʼte onko do kại khon bańcao bako ńama.

Nonkan cetʼ okoakʼge bạnukʼa, okaṭakʼ do baṅ sodorokʼ se nonkan cetʼ danaṅakʼ hõ bạnukʼa, okaṭakʼ do baṅ baḍaeyokʼ se baṅ sodorokʼ.

Uni maejiu do bae oko daṛeakʼ kana menteye ńelketʼ khan thar tharao tulucʼ hecʼkate Jisu samaṅreye ombakʼena. Ar sanamko samaṅreye lạikeda cedakʼe joṭetʼkedea, ar cetʼlekateye bogeyena. Onate Jisu do maejiue metadea, “E mạ̃i, amakʼ pạtiạugeye bańcao akatʼmea. Do sulukte ruạṛ joṅme.”

Onko do Jisu ṭhen senkate beretʼkedeteko metadea, “E Probhu, E Probhu, gujukʼ kana bon!” Unre Jisui beretʼena ar habak ḍabakokʼkan ḍheo ar hoeye dhomkaokeda. Onate hoe ar ḍheoko thirente ḍelḍel nijhumena.