Popular Bible Verses from MARK 13

Share

Adonjengniu naliutu mai hina mareng sune. Chiudi kanambo tangna khenglu mai situ rankhaibi rabo-e.

Akhe sijiu bamlo, mathing sijiu bamlo, palamra pating pawanse dedao padralo chiubo naliuniu simakge.

Sichiujiu naliutu minlujiu ladzankyga jukhaibo tingga naliuniu degu dinralo chiujiu manangmi tulo; naliu khuga pikhaibose dinlo. Palamra naliuniu dinrabo chamse naliugu makge; sise Masanbo Hiupuina khugasu wangrabo-e.

Tinggen nai kadihse hami rabo-e, chiudi agu ladkeng sira wadaodi halakge.

“Sichiujiu mai khatniudi, pating, pawanse dedao wangralo chiubo simakge, tinggen mazadung niudi, Nahpiu siniudi simakge, sise Papiu ronna sibo-e.

Khatdi naliuniu pabam hinaga tathiu-chari khuan chiu sai manangmi tulo. Haikumbo hinase padsiak rabo-e, chiudi haisiniu kanambo wangmide chiubo makge.

Sichiusai, kaden silo, palamra papaose dedao chakyga malanwang ralo chiubo simakge. Haise chawandi sui-e, chundingdi sui-e, nsuan kaludi sui-e, maksai naimik padgapbo gadi sui-e. Paniu bungjiu wang dasai, nangniu jibamniubo paniu daomak rabo-e. Sichiusai, Iniu naliu khuga dinbo hina hai, mathiu khuga dinbo-e. Akhe sijiu bamlo!”

Kadih khatniu kadih khattu chari thiu sune; chawang kadih khatniu chawang kadih khattu aphen sune. Pabam hinaga kathi wangsune, khatdi charakhum wangsune. Haidungse ngenatu manabo thad thiu karaibo kumbo-e.

Chiudi kanambose wangtang makhaga Kawicham hai mai hina khuga dinron khai rabo-e.

Maidung kakeng khaniu chamtan gasu wangjiu din sune, ‘I hai pa-e!’ sichiujiu paliuniu maidung kakeng khatu aratjiu son sune.

“Naliu kaden sijiu bamrabo-e. Naliutu minlujiu ladzankyga pipad sune. Naliutu maduiky gasu dap sune. Naliuniu mawangpaodung khatdi chawangdung suangga adonjengniu chaplujiu Kawibo champaose paliu khuga dinrabo-e.

Palamra aratbo khristadung khatdi aratbo phaimiukakungdung padsu rabo-e. Tingwang niu kadalubo maitu tangbo sonra paliuniu maisuang kahabo khatdi tasibodung kamsune.

“Magenthiu chariubo hai padlubo saiga naimikse tamiuwang mirabo-e, chahiuse pabiu padtami rabo-e; chagandungse tinggen lamsu tiakiumi rabo-e, khatdi tingpuk lam bambo pumtandungse paliu bam kalimi rabo-e.