Popular Bible Verses from MATHAIA 2

Share

Insungah an va lût a, a nu Mari zianga naite khah an mu a, rikhûk idilin chubai an ûn tâk a. Khanchu, an thilpêk hong chôi: rângkachak hei, bero hei neh Mura hei khah a ziangah an pêk tâk a.

Rêng Heroda inlal lâiin Judai rama Bethlehemah Jisua a zuang suak a. A suak zoi kaneh chu ârsi thu risei ngai mi vârhei khosak tianga rithokin Jerusalemah an hong a. “Takâm Judahei rêng rang naite zuang isuak kha? Khosak tiang a ârsi kin mu a, amah chubai iûn rangin kin ihong a nit,” an ti a.

Khangkan, an fe tâk a, lampuiah chu khosak tianga ârsi an imu ngir khah an mu nôk tâk a. Ârsi khah an mun chu an râi a fân a, an lôm tak tak a. Ârsi khah naite omna chung ridîn a tlung mâkah chu an matonah a fe mai a.

Khante, Heroda ziang tiang kîr nôk khâi loi rangin an rimangah Pathianin â ril sikin lampui dangah an ram tiang an fe nôk tâk a. Khante, anni khah an fe zoi nungah khan Pumapa vântirtôn khatkah Josefa ziangah rimangin ân lâr a, a ziangah, “Herodan naite hi ithat rangin ai zong rang a nit; khasikin, thoi inla, naite neh a nu ṭhui inla, Aigupta ramah ropui roh. Hong ikîr ranga nang ke ril mâkah chu amakhan om mai roh,” a ti a.