Popular Bible Verses from LUKA 3

Share

Khante, mi murdîn baptisma an chang a; Jisua khomin baptisma a chang a, a ṭongṭai lâiin rivân a zuang ri-ong a. Rithla Rithiang kha takpum ineiin vaṭhu angkan a chungah a zuang fûk a, rivân ata ṭong a zuang suak a, “Ki nai lungthlung tak ni nit, ni chungah ki lôm tak tak,” a ti a.

Khanchu, Johana khan an rêngkan â ril a, “Keiman chu tuiin nangni ki baptis a; nikhomsela, keima nêka roinpui ual la zuang a ta, keimah hi chu a pheikok rui isût rang khomin inrup mang e. Ani khan chu Rithla Rithiang neh meiin nangni baptis a ti.

Nin sual nin rilet titak iti nin nunchanah inlang rei. ‘Ei chibul Abrahama a nit im ki ta,’ ti khâi no rei. Nangni ke ril, Pathianin hi lunghei khom hih Abrahama richi a închang thei kêng ai nit.

Atûna rithokin reipui chu thingbul tinah arzung idêna phûr rangin a om thlâm tâk; thing tin irâ ṭhanoa râ chu rikita meia pai nîng a ti,” a ti a.

Zânthla Isaia lekhabua riziak angkan: “Ramchâra mi khêk rôl khan, Pumapa lampui siam unla, A lônna rang lampuihei intlûn rei. Varuam tin nêl insip nîng a ta, Mualtlâng tin inriniam nîng a ti. Lampui ikôihei intlûn nîng a ta, Lampui inthirhei innâm nîng a ti. Khanchu, Pathian saninringna khah mi tinin mûng an ti,” a ti a.