Popular Bible Verses from Tshwmsim 8

Share

Thaum tus menyuam Yaj muab lub homthawj xya tev, ua ciav saum ntuj ceebtsheej txawm ntsiag to kwvlam li peb caug feeb.

Thaum thawj tus timtswv tshuab nws lub xyu, ces txawm muaj lawg thiab hluavtaws xyaw ntshav poob los rau hauv ntiajteb. Lub ntiajteb kub hnyiab tas ib feem peb, tej ntoo kub hnyiab tas ib feem peb thiab tej nroj tsuag kub hnyiab tas huv tibsi.

Ces kuv txawm ntsia dheev thiab pom ib tug dav ya saum nruab ntug. Tus dav ntawd quaj nrov nrov hais tias, “Kev txomnyem! Kev txomnyem! kev txomnyem! Thaum muaj dua peb tug timtswv ceebtsheej tshuab lawv tej xyu, mas tej neeg uas nyob hauv ntiajteb yuav raug puastsuaj!”

Thaum tus timtswv ob tshuab nws lub xyu, txawm muaj ib yam zoo li ib lub roob loj loj tabtom kub hnyiab nphau los rau hauv hiavtxwv, ces dej hiavtxwv txawm txia ua ntshav tas ib feem peb.

Thaum tus timtswv peb tshuab nws lub xyu, muaj ib lub hnubqub kub hnyiab cig liab ploog ib yam li tes tsau poob saum ntuj los npog tej dej ntws thiab tej qhovdej tas ib feem peb. (Lub hnubqub ntawd hu ua “Kev Iab.”) Ua rau tej dej iab tas ib feem peb, muaj neeg tuag coob heev, rau qhov lawv haus cov dej iab ntawd.

Thaum tus timtswv plaub tshuab nws lub xyu, ces lub hnub txawm qauj tas ib feem peb, lub hli thiab cov hnubqub los puavleej qauj tas ib feem peb, nruab hnub tsis pom kev tas ib feem peb thiab hmo ntuj los tsis muaj qhov ci pom kev ib feem peb thiab.