Popular Bible Verses from Tshwmsim 7

Share

Tom qab ntawd kuv ntsia dheev, kuv pom muaj neeg coob coob suav tsis txheeb li tuaj txhua lub tebchaws tuaj! tsis hais xeem twg, haivneeg twg thiab cov neeg uas hais yam lus twg los muaj; sawvdaws tuaj sawv ntawm hauv ntej lub zwmtxwv thiab tus menyuam Yaj. Lawv txhua tus puavleej hnav ib leeg ib cev ris tsho dawb, thiab lawv ib leeg tuav rawv ib daim nplooj toovlaj.

Lawv hais nrov nrov hais tias, “Tus Vajtswv uas zaum saum lub zwmtxwv thiab tus menyuam Yaj twb txhiv peb dim lawm!”

Rau qhov tus menyuam Yaj uas sawv ntawm lub zwmtxwv yuav yug lawv thiab coj lawv mus haus tej qhovdej txhawv uas cawm neeg txojsia. Thiab Vajtswv yuav so lawv tej kua muag huv tibsi mus.”

Yog li ntawd, lawv thiaj tau los sawv tabmeeg ntawm Vajtswv lub zwmtxwv pehawm Vajtswv tas hnub tas hmo hauv lub Tuamtsev. Tus uas zaum saum lub zwmtxwv yuav nrog lawv nyob thiab tsomkwm lawv. Lawv yuav tsis tshaib tsis nqhis; nag yuav tsis ntub thiab tshav ntuj yuav tsis kub lawv li lawm.

“Nej tsis txhob rawm rhuav lub ntiajteb thiab dej hiavtxwv lossis tej xyoob ntoo; cia peb nias homthawj rau Vajtswv cov tubtxib txhua tus hauvpliaj tso nej mam li rhuav.” Thiab tus timtswv ceebtsheej ntawd hais rau kuv hais tias cov neeg uas muaj Vajtswv lub homthawj nias rau ntawm lawv hauvpliaj lawm muaj ib puas plaub caug plaub txhiab leej. Vajtswv xaiv cov neeg ntawd tawm hauv kaum ob xeem Yixalayees los.