Popular Bible Verses from Malakaus 14

Share

Nws thov hais tias, “Txiv, Kuv Txiv, koj ua tau ib puas tsav yam huv tibsi, thov koj muab lub khob no tshem ntawm kuv mus. Txawm li cas los thov koj tsis txhob ua raws li kuv lub siab nyiam, tiamsis ua raws li koj lub siab nyiam xwb.”

Thiab Yexus hais rau lawv hais tias, “Nej yuav tsum ceevfaj thiab thov Vajtswv pab, kev sim siab thiaj yuav ntxias tsis tau nej. Lub siab mas kub lug, tiamsis lub cev qaug zog heev.”

Kuv qhia tseeb rau nej hais tias qhov uas tus pojniam no ua yuav nrov ncha mus rau txhua qhov hauv qab ntuj uas muaj neeg mus qhia Txojmoo Zoo, kom sawvdaws nco txog tej uas tus pojniam no tau ua lawm.”

Nws hais rau lawv hais tias, “Kuv nyuaj siab kawg li twb yuav tuag; nej cia li nrog kuv nyob ntawm no tsis txhob tsaug zog.”

Thaum lawv tseem tabtom noj hmo Yexus muab ib lub ncua los tuav ntawm tes. Nws ua Vajtswv tsaug thiab muab lub ncuav ntawd ntais cev rau nws cov thwjtim thiab hais tias, “Lub ncuav no yog kuv lub cev, nej cia li txais mus noj.”

Tom qab ntawd Yexus muab ib khob cawv txiv hmab los thiab ua Vajtswv tsaug; nws muab khob cawv txiv hmab ntawd cev rau lawv thiab lawv txhua tus txais mus haus. Yexus hais rau lawv hais tias, “Cov cawv txiv hmab no yog kuv cov ntshav uas ntws los ntxuav ntau leej lub txim. Kuv cov ntshav yog ua lub homthawj uas nias rau Vajtswv Txojlus cog tseg.

Yexus hais rau lawv hais tias, “Nej txhua tus yuav khiav huv tibsi tso kuv tseg, rau qhov Vajtswv Txojlus sau tseg lawm hais tias, ‘Vajtswv yuav tua tus tswv yug yaj, thiab pab yaj yuav tawg nyias khiav nyias mus tas huv tibsi.’

Nej cia li sawv peb mus. Nej saib, tus neeg uas ntxeev siab rau kuv twb tuaj txog lawm!”

Yexus hais rau Petus hais tias, “Kuv qhia rau koj hais tias hmo no thaum qaib tsis tau qua ob tsig, koj yuav hais peb zaug hais tias koj tsis paub kub.”