Popular Bible Verses from Malakaus 13

Share

Txhua tus yuav ntxub nej vim nej yog cov uas ntseeg kuv, tiamsis tus uas ua siab ntev mus txog hnub kawg tus ntawd yuav dim.

Nej yuav tsum ceevfaj thiab zov tos, rau qhov nej tsis paub hais tias thaum twg yuav txog lub sijhawm ntawd.

Thaum luag ntes nej coj mus rau hauv tej tsev hais plaub, nej tsis txhob txhawj hais tias nej yuav hais li cas; thaum txog lub sijhawm ntawd, Vajtswv yuav qhia kom nej paub hais, rau qhov tej lus uas nej hais tsis yog nej tej lus; tiamsis yog Vaj Ntsujplig tus Dawbhuv tej lus.

Lub ntuj thiab lub ntiajteb yuav ploj mus, tiamsis kuv tej lus yuav tsis muaj ib los poob li.

“Tiamsis hnub ntawd thiab lub sijhawm ntawd tsis muaj leejtwg paub. Txawm yog cov timtswv ceebtsheej lossis Neeg Leej Tub los twb tsis paub; tsuas yog Leej Txiv tib leeg thiaj paub xwb.

Thaum nej hnov suab ntaj suab riam nyob ze nej thiab hnov tej tebchaws nyob deb ua tsov ua rog, nej tsis txhob poob siab, yeej yuav xub muaj tej ntawd, tiamsis tej ntawd tsis tau qhia hais tias twb txog lub sijhawm ntiajteb kawg lawm.

Yog li ntawd, nej yuav tsum zov zoo zoo rau qhov nej tsis paub hais tias thaum twg nej tus Tswv yuav rov los. Tej zaum nws yuav los thaum tsaus ntuj lossis thaum ib tag hmo lossis thaum qaib yuav qua lossis thaum kaj ntug. Nyob tsam nws los tamsim thiab pom nej tseem pw tsaug zog. Tej lus uas kuv qhia rau nej, kuv hais rau sawvdaws ib yam nkaus hais tias nej yuav tsum zov tos!”

Ib lub tebchaws yuav sawv tawmtsam ib lub tebchaws, thiab ib haivneeg yuav sawv tawmtsam ib haivneeg. Yuav muaj av qeeg txhua qhov thiab yuav muaj kev tshaib kev nqhis. Tej ntawd zoo ib yam li tus pojniam uas nyuam qhuav pib mob plab yuav yug menyuam.

Tiamsis yuav tsum muaj neeg mus qhia Txojmoo Zoo rau txhua haivneeg ua ntej tso, mam li muaj tej no.

Yuav muaj ntau leej tuav kuv lub npe hais rau nej hais tias, ‘Kuv yog nws!’ thiab lawv yuav dag ntxias ntau leej yuam kev.

“Nej yuav tsum ceevfaj rau qhov yuav muaj neeg ntes nej coj mus rau hauv tej tsev hais plaub; luag yuav muab nej ntaus hauv tej tsev sablaj thiab yuav coj nej mus sawv tabmeeg tej nomtswv thiab tej vajntxwv, vim nej yog cov uas ntseeg kuv. Thaum ntawd yog lub sijhawm zoo rau nej qhia Txojmoo Zoo.

Rau qhov yuav muaj tej Mexiyas cuav thiab tej cevlus cuav los ua tej txujci tseemceeb dag ntxias Vajtswv haivneeg saib puas yuav ntxias tau kom lawv yuam kev.

“Thaum tej kev txomnyem ntawd dhau lawm, lub hnub yuav tsaus, lub hli yuav tsis ci, tej hnubqub saum ntuj yuav poob los, thiab txhua yam uas muaj hwjchim nyob saum nruab ntug yuav ua zog koog huv tibsi.