Popular Bible Verses from Mathais 21

Share

Yog nej ntseeg tiag, nej thov yam twg, nej yuav tau yam ntawd.”

Yexus teb hais tias, “Kuv qhia tseeb rau nej hais tias, yog nej ntseeg tiag tiag, nej yeej muaj cuabkav ua tau ib yam li kuv ua rau tsob txiv ncuavpias no. Tsis tas li ntawd xwb, yog nej hais rau lub roob no hais tias, ‘Cia li txav lawm nram dej hiavtxwv,’ ces lub roob yeej yuav mus raws li nej hais.

Cov neeg coob coob uas mus ua Yexus ntej thiab cov uas raws Yexus qab qw nrov nrov hais tias, “Cia li qhuas Daviv tus Tub! Thov Vajtswv foom koob hmoov rau tus uas Vajtswv txib los! Cia li qhuas Vajtswv tus uas nyob saum ntuj ceebtsheej!”

Yexus hais rau lawv hais tias, “Vajtswv Txojlus sau tseg hais tias, ‘Sawvdaws yuav hu kuv lub Tuamtsev hais tias, yog lub tsev uas thov Vajtswv.’ Tiamsis nej muab ua qhov chaw rau tubsab nkaum!”

“Cia li qhia rau cov neeg uas nyob hauv lub nroog Xi-oos hais tias nej tus vajntxwv tabtom los cuag nej! Nws txo hwjchim thiab caij ib tug menyuam neesluav los.”

Yexus hais rau lawv hais tias, “Nej tsis tau nyeem Vajtswv Txojlus uas hais tias, ‘Lub pobzeb uas cov kws ua tsev muab povtseg, lub ntawd twb los ua lub thawj lawm. Qhov no yog tus Tswv ua; peb pom li ntawd, peb xav tsis thoob li!’ ”

Yexus hais ntxiv hais tias, “Kuv qhia rau nej hais tias, Vajtswv yuav muab nws lub Tebchaws tshem tawm ntawm nej mus rau ib haivneeg uas mloog Vajtswv lus.”