Popular Bible Verses from Lukas 3

Share

Tom qab uas sawvdaws ua kevcai raus dej tas lawm, Yexus ua kevcai raus dej thiab. Thaum Yexus tabtom thov Vajtswv, rooj ntug txawm qhib plho, thiab Vaj Ntsujplig tus Dawbhuv uas muaj lub cev zoo li tus nquab los rau saum Yexus. Thiab muaj ib lub suab hais saum ntuj tuaj rau Yexus hais tias, “Koj yog kuv tus Tub uas kuv hlub, kuv txaus siab rau koj.”

Yauhas hais rau lawv hais tias, “Kuv muab nej ua kevcai raus dej, tiamsis tus uas yuav lawv kuv qab los, nws muaj hwjchim loj dua kuv, kuv twb tsis tsimnyog daws nws txoj nyuag hlua khau. Nws yuav muab nej ua kevcai raus los ntawm Vaj Ntsujplig tus Dawbhuv thiab ntawm hluavtaws.

Nej yuav tsum ua nej lub neej rau sawvdaws pom hais nej twb tso nej tej kev txhaum tseg lawm. Nej tsis txhob khav hais tias, Anplahas yog nej yawgkoob. Kuv qhia rau nej hais tias, txawm yog Vajtswv muab tej pobzeb no los ua Anplahas cov xeebntxwv los nws yeej ua tau!

Nimno twb muab rab taus tso rau ntawm lub hauvpaus ntoo lawm, twb yuav ntov tus ntoo; txhua tsob ntoo uas tsis txi cov txiv zoo, luag yuav muab ntov thiab muab pov rau hauv cub hluavtaws.”

Qhov no muaj raws li Yaxayas tus uas cev Vajtswv lus sau tseg rau hauv nws phau ntawv hais tias, “Muaj ib tug hais nrov nrov tom roob mojsab qhua hais tias, ‘Cia li kho kev tos tus Tswv; kho kev kom ncaj nws yuav los! Txhub txhua lub kwjha kom puv, khawb txhua lub roob thiab txhua lub pov roob kom tiaj. Kho tej kev nkhaus kom ncaj, muab qhov siab thiab qhov qis pheej kom tiaj xwm yeem. Txhua haivneeg yuav pom Vajtswv txojkev cawm dim!’ ”