Popular Bible Verses from Yaxayas 54

Share

Tsis muaj ib yam cuabyeej twg uas yuav tawmtsam tau koj li, koj yuav muaj lus teb cov neeg uas nkaug koj. Kuv yuav tiv thaiv kuv cov tubtxib thiab pab kom lawv yeej.” Tus TSWV yog tus uas hais tej lus no.

Tej zaum cov hauv roob thiab pov roob yuav tawg mus, tiamsis kuv txojkev uas hlub koj yuav tsis paub kawg li. Kuv coglus tseg hais tias yuav muaj kev thajyeeb, mas kuv yuav ua raws li kuv tej lus ntawd mus ibtxhis.” Tus TSWV uas hlub koj yog tus uas hais tej lus no.

Koj tsis txhob ntshai, koj yuav tsis raug kev txajmuag lawm, koj yuav tsis swb leejtwg li. Koj yuav tsis nco txog tej kev plees kev yi uas koj ua thaum koj tseem hluas, thiab tsis nco txog tej kev nyuaj siab uas thaum koj ua pojntsuam lawm.

Tus uas Tsim koj yuav zoo li koj tus txiv, nws lub npe hu ua tus TSWV tus uas muaj hwjchim loj kawg nkaus. Cov Yixalayees tus Vajtswv dawbhuv uas pab kom koj dim, yog tus kav tagnrho lub ntiajteb no huv tibsi.

Cia li ua koj lub tsevntaub kom dav ntxiv, txuas tej hlua tsevntaub kom ntev, thiab txhos tej tswg kom khov!

“Kuv yuav qhia koj haivneeg thiab yuav pub kev vammeej thiab kev thajyeeb rau lawv.

Vim kuv chim heev, kuv thiaj fee plhu rau koj ib ntus, tiamsis kuv yuav rov hlub koj mus ibtxhis.” Tus TSWV uas pab koj dim, yog tus hais tej lus no.

“Kuv tso koj tseg ib nyuag ntu xwb, vim kuv hlub koj heev, kuv yuav coj koj rov los.

“Thaum Nau-es tiam kuv tau coglus cia yuav tsis pub dej nyab lub ntiajteb ib zaug ntxiv lawm. nimno kuv coglus yuav tsis chim rau koj ib zaug ntxiv li lawm thiab; kuv yuav tsis cem lossis rau txim rau koj li.

Kuv yuav muab tej hlaws lunpis puab ua koj tej chaw tsomfaj, muab tej pobzeb uas ci li nplaim taws los ua koj tej roojvag, thiab muab tej hlaws muaj nqis ua tus ntsa yeej thaiv ibncig koj.