Popular Bible Verses from Kalatias 5

Share

Tiamsis Vaj Ntsujplig yuav ua rau neeg muaj lub siab sib hlub, zoo siab, nyob kaj siab lug, ua siab ntev, muaj lub siab dawb siab zoo, zoo siab hlo pab lwm tus, ua siab ncaj, tsis khavtheeb thiab paub tswj yus lub siab. Yeej tsis muaj ib txoj kevcai yuav txwv tej no hlo li.

Kuv qhia rau nej li no: nej yuav tsum cia Vaj Ntsujplig kav nej lub neej, nej tsis txhob cia nej lub siab kav nej ib zaug li.

Vaj Ntsujplig twb pub txojsia rau peb lawm; peb yuav tsum cia nws kav tagnrho peb lub neej.

Cov uas ntseeg Yexus Khetos, lawv twb muab tej kev phem uas lawv lub siab nyiam ua huv tibsi los ntsia rau saum tus ntoo khaublig lawm.

Sawvdaws yeej paub tej uas neeg lub siab nyiam ua, tej ntawd yog li no: Kev ua nkauj ua nraug, kev phem kev qias thiab ua dog ua dig, pe dab pe mlom, ua neeb ua yaig, ua yeebncuab, sib ceg sib ntaus, sib khib, sib chim, xav ua tus hlob, sib faib ua pab ua pawg, ntshaw luag tug, quav yeeb, quav tshuaj, quav cawv, qw ua nqaj ua nqug thiab ua ntau yam uas zoo li tej no. Yav tas los kuv twb ntuas nej ib zaug lawm, tiamsis nimno kuv rov ntuas nej dua ib zaug hais tias cov neeg uas ua tej ntawd, lawv yeej yuav tsis tau Vajtswv lub Tebchaws los ua lawv tug ib zaug li.

Cov kwvtij, qhov uas Vajtswv tau xaiv nej cia lawm, twb yog nws xav kom nej muaj kev ywjpheej. Tiamsis nej tsis txhob muab txojkev ywjpheej ntawd ua nej txoj haukev mus ua kev phem kev qias. Nej yuav tsum sib hlub thiab ib leeg txaus siab hlo pab ib leeg.

Rau qhov neeg lub siab yeej tsis nyiam tej uas Vaj Ntsujplig nyiam, thiab Vaj Ntsujplig yeej tsis nyiam tej uas neeg lub siab nyiam, neeg lub siab thiab Vaj Ntsujplig yeej ua yeebncuab.

Rau qhov Vajtswv txoj kevcai txhua nqe puavleej muab sau zog ua ib nqe hais li no hais tias, “Hlub koj tej kwvtij zejzog ib yam li koj hlub koj lub cev.”

Peb tsis txhob muab hlob, ib tug tsis txhob ua rau ib tug chim lossis ib tug tsis txhob khib ib tug.

Nimno peb muaj kev ywjpheej, rau qhov Yexus Khetos twb tso peb cov uas ua qhev dim lawm. Yog li ntawd, nej yuav tsum muab siab rau ntseeg tsis txhob pub leejtwg coj nej rov qab mus ua qhev dua.