Popular Bible Verses from Kalatias 6

Share

Yog li ntawd, peb tsis txhob nkees ua tej haujlwm zoo; yog peb pheej ua tsis tso tseg, muaj ib hnub peb yeej yuav tau sau xwb.

Txhua lub sijhawm uas peb pab tau lwm tus, peb yuav tsum pab, tiamsis peb yuav tsum pab cov ntseeg heev dua.

Nej yuav tsum sib pab ris nra, yog nej ua li ntawd thiaj yog nej coj raws li Yexus Khetos txoj kevcai.

Nej tsis txhob xav yuam kev, yeej tsis muaj ib tug yuav dag tau Vajtswv, txhua tus nyias yuav tau sau raws li tej uas nyias tseb.

Tus uas tseb tej uas neeg lub siab nyiam, tus ntawd yeej yuav tau sau kev ploj kev tuag raws li tej uas nws tseb. Tiamsis tus uas tseb tej uas Vaj Ntsujplig nyiam, tus ntawd yuav tau sau txojsia ntev dhawv mus ibtxhis.

Cov kwvtij, yog nej pom ib tug ua txhaum nej cov uas muab siab rau ntseeg, nej yuav tsum ua tib zoo ntuas tus ntawd kom nws rov qab los ua zoo. Tiamsis thaum nej yuav mus ntuas nws, nej yuav tsum ceevfaj, nyob tsam nej yuam kev nrog nws mus ua txhaum thiab.

Tus uas tsis yog neeg tseemceeb, yog nws lam khav hais tias nws yog tus uas tseemceeb, nws yeej rov dag nws xwb. Txhua tus nyias yuav tsum ua tib zoo xyuas nyias tes haujlwm saib zoo li cas tso. Yog leejtwg tes haujlwm zoo lawm, tus ntawd thiaj khav tau tsis tas nws yuav coj nws txoj haujlwm mus piv rau lwm tus txoj. Rau qhov txhua tus nyias yuav tsum ris nyias lub nra.