Popular Bible Verses from 2 Petus 1

Share

Vajtswv tus uas muaj hwjchim, nws pub txhua yam zoo rau peb, kom peb ua tau peb lub neej haum nws siab. Nws ua li ntawd rau qhov peb paub tus uas hu peb los yuav nws lub hwjchim, thiab pab tau peb ua tau neeg ncaj ncees ib yam li nws. Vajtswv coglus tseg hais tias nws yuav muab nws txoj koob hmoov uas zoo kawg nkaus rau peb, nws ua li ntawd kom nej txhua tus uas tau txoj koob hmoov ntawd dim tej kev phem kev qias uas yuav coj neeg ntiajteb mus raug kev puastsuaj, thiab kom nej lub neej zoo ib yam li Vajtswv lub.

Twb yog vim li ntawd nej cov uas ntseeg Vajtswv, nej yuav tsum muab siab rau ua tej haujlwm zoo; nej ua haujlwm zoo lawm, nej yuav tsum muaj tswvyim; nej muaj tswvyim lawm, nej yuav tsum tswj nej lub siab; nej tswj nej lub siab lawm, nej yuav tsum ua siab ntev; nej ua siab ntev lawm, nej yuav tsum ua nej lub neej kom haum Vajtswv siab; nej ua haum Vajtswv siab lawm, nej yuav tsum sib hlub li kwvtij sib hlub; nej sib hlub li kwvtij sib hlub lawm, nej yuav tsum sib hlub li cov ntseeg sib hlub.

Yog nej niaj hnub ua nej lub neej zoo li ntawd, tej ntawd yuav ua rau nej paub peb tus Tswv Yexus Khetos heev ntxiv, thiab nej lub neej yuav tawg paj txi txiv.

Yog li ntawd cov kwvtij, nej yuav tsum muab siab rau ua haujlwm heev dua yav tas los thiaj tsimnyog qhov uas Vajtswv hu thiab xaiv nej cia lawm. Yog nej ua li ntawd, nej yuav tsis yuam kev ib zaug li.