Popular Bible Verses from Romanos 4

Share

Ri Abraham ma kaꞌiꞌ ta rukꞌuꞌx xubꞌen rikꞌin ri xusuj ri Dios chare, y ma jumbꞌey xubꞌij ta qa pa ránima chi ma ndibꞌanatej ta, xa kin más xutaqij chi ndiyoꞌox ri sujun chare, y kin xuyaꞌ ruqꞌij ri Dios. Ri Abraham kin kuqul rukꞌuꞌx chi ri Dios kꞌo ruchuqꞌaꞌ chin nduyaꞌ ri ndusuj.

Achel ndubꞌij ri tzꞌibꞌan kan, atoq ri Dios kereꞌ xubꞌij chare ri Abraham: Nibꞌen chawa chi rat tataꞌatz pa kiwiꞌ santienta jalajaj kiwech wineq. Keriꞌ tzꞌibꞌan kan. Y ri Abraham xutaqij ri xbꞌix chare roma ri Dios ri ndiyoꞌon kikꞌaslen ri animaꞌiꞌ, y ndibꞌanun chi ngekꞌojeꞌ ri kꞌajani kekꞌojeꞌ.

Ri Qajaw Jesús xjach pa kamik chutojik ri mak qabꞌanaloꞌon, y xkꞌastajbꞌex pe chikikajal ri animaꞌiꞌ, chin nixta jun qamak ndiqeqalej chuwech ri Dios.

Y ri Abraham xutaqij ri xubꞌij ri Dios chare, maske pa ruwech, maneq chik cheꞌel ndibꞌanatej rikꞌin rijaꞌ ri xubꞌij ri Dios. Pero roma xutaqij, xok tataꞌatz pa kiwiꞌ santienta jalajaj kiwech wineq, kin achel xbꞌix chare roma ri Dios atoq kereꞌ xubꞌij: Kin santienta awiy-amam xkekꞌojeꞌ, xucheꞌex.

Romariꞌ, ja ri ngetaqin ri ndubꞌij ri Dios, kin ja chake rejeꞌ ndiyoꞌox ri rusujun rijaꞌ, chin keriꞌ ndiqꞌalajin chi roma ri ru-favor ri Dios ndiyoꞌox ri rusujun chake konojel ri eriy-rumam ri Abraham, ma xe ta chake ri ekꞌo chuxeꞌ rutzij ri ley, xa kin chake chuqaꞌ ri kitaqin chi kin ndiyoꞌox wi ri rusujun ri Dios, achel xutaqij ri Abraham, ri tataꞌatz pa qawiꞌ roj qonojel ri ngojtaqin.

Ri David kereꞌ xubꞌij kan: ¡Kin jabꞌel rokiqꞌij ri ndikuyutej ri itzel teq achike kibꞌanaloꞌon y ndimuqutej ri kimak! ¡Jabꞌel roruqꞌij ri ma jumbꞌey chik ndiyoꞌox pa cuenta rumak roma ri Ajaw! Keriꞌ xubꞌij ri David.

Porque chupan ri rutzij ri Dios kereꞌ tzꞌibꞌan kan: Ri Abraham xutaqij ri xubꞌij ri Dios chare, romariꞌ ri Dios xubꞌen chare chi nixta jun rumak xreqalej.