Popular Bible Verses from Luka 13

Share

“Igaganījagi ū kūbītīla a ha mita ū mpine, nguno balī bingī abo bakūgema ū kwingīla alīyo bakūlemeelwa!

Walīmo na nkīma walī wagung'humiwa moyo gwa būgokolo; walī atadūgije kūgūngūmūka kūshisha ikanza lya myaka ikūmi n'īnaane! Ū Yesu aho wamona ūng'witana ūng'wīla gīkī, “Bebe mayū otaligūlagwa ū mu makoye gako.”

Ūntūūlīla makono, haho na haho ūgūngūmūka wandya kūnkumīlīja Mulungu.

Gwike balīho aha abo balī kū numa, alīyo bakūbiza kū būtongi, na a babo balī kū būtongi, abo bakūbiza ba kū numa!”

Managi gīkī, ū ng'wenekīlī kaya ūlū ūlinda wīmīīla kūgūlugala ū nyango, ning'we ng'ūsangwa mutaalī hanze, mukūhoodisha no, kūnū mukūhayaga; ‘Seeba tūlugūlīlage nise!’ Alīyo ū wei akūmushokeja amuwīle gīkī, ‘A bing'we natūmumanaga, pyī nū kūko mulīfuma!’

Nalīmuwīla ītī gīko na hado yaya, alīyo ūlū mutagalūkile na a bing'we pyī mukūyagala gīko!”

Akūmushokeja amuwīle gīkī, ‘Bing'we bīīti ba mihayo yabūbi, nalīmuwīla natūmanaga ūko mulīfuma, nīngīlagi a henaha!’

Hūna ūhaya gīkī, “Ū būtemi bo ng'wa Mulungu būbizile gītī kī? Hīmba ūlū kūwikolanīja na kī? Ū boi būlī gītī kabīyū ka haladali, ako munhū akakasola ūūkakahamba mu ngūnda gokwe. Kahayūzwa kūkūla gūbiza ntī ntaale, kūshisha nose na noni ja kūlala jūpandīka wikalo ū mu matambī gago.”