Popular Bible Verses from Yohana 16

Share

Nalīmuwīla ī yenīyī gīkī mubize na mhola ū mulī nene; ū mu sī mulī na būluhi, alīyo timbyagi ng'holò, naamalile kwīheeba ī sī.”

Alīyo ūlū alize ū Moyo wa ng'hana, ū ng'wenūyo h'ūyo akūmutongeela ū mu ya ng'hana pyī ī yose. Nguno atūhaya yakwe ng'wenekīlī, alīyo akūhaya gīt'ūmo akwigwīlaga; hama akūmumanīkīja īyo īliza.

Alīyo kūshisha haha mutaalī ū kūlomba shose shose mu lina lyane; lombagi mukwanukūla, ū būyegi wing'we būshikane.”

Gwike nalīmuwīla gwa ng'hana gīkī, īkūmubeelela a bing'we ūlū nūja ū nene; nguno ūlū natajile numho ū Ngunanhi atiza ū kū bing'we; alīyo ūlū nūja nakūntūma ize ū kū bing'we. Hūna lūūlū, ūlū wiza akūbakaanīlīja a ba mu sī mu mihayo ya, shibi, būtūngīlīja na būlamulwa.

Na a bing'we ī haha mulī na būpīna; alīyo nakūmubona hangī jiyege īng'holò jing'we. Hama atigela ose ose wa kūng'wīngīja ū būyegi wing'we. Ū mu lūshikū lwenūlo, mutūnibūja mhayo gose gose. Nalīmuwīla gwa ng'hana gīkī būlī shene īsho mukūnomba ū Baba mu lina lyane akūng'winha.

Nalīmuwīla gwa ng'hana gīkī, a bing'we mukūlīla na kūpīnīhala, alīyo a ba mu sī bakūyega. Gwike ū būpīna wing'we būkūgalūka kūbiza būyegi.