Popular Bible Verses from Yohana 15

Share

Ū nene nalī Nzabibu, a bing'we mulī matambī. Ūyo wikala mulī nene nū nene mulī wei, ū ng'wenūyo akūtwaja matwajo mingī. Nguno ūlū natī nene a bing'we mutūdūla kwīta mhayo gose gose.

Ikalagi ū mulī nene, nū nene ū mu bing'we; īlī gītī itambī ūlū lītī h'itina lya nzabibu lītūdūla ū kūtwaja matwajo lyoi lyenekīlī. Na a bing'we īlī gīko ūlū mutikala ū mulī nene.

Ūlū ng'wikala ū mulī nene nī mihayo yane yikala ū mu bing'we, lombagi mhayo gose gose ūyo mutogilwe, mukwītīlwa.

Mutanisolile bing'we ū nene, ū nene hū namusolile a bing'we, nūng'winha nīmo gwa kūja mukūtwajaga matwajo. Hama a matwajo ging'we gabize ga kūshinga ho, hangī muyūnomba ū Baba būlī shikolo īsho mutogilwe, wang'winha mu lina lyane.

Atīho nūūlū ūmò ūyo alī na būtogwa būtaale kūtinda wenūbū, gīkī munhū kweega būpanga bokwe kūlwa banwani biye.

Būlī itambī īlo līlī mulī nene ūlū lītatwajaga matwajo akalyīnjaga, alīyo būlī lyene īlo līkatwajaga matwajo akalīkongoolelaga lyabeela, lyongeja ū kūtwaja.

Ī shilagīlo shane shilī gīkī, būlī ng'wene itogwe na biye, gīt'ūmo namutogelilwe ū nene a bing'we.

Ū Baba akwinhwa ikūjo ūlū muyūtwaja matwajo mingī, nguno hū mukūbiza bahemba bane.

Ū nene nalī Nzabibu gwa ng'hana, ū Nang'hani ng'wene Baba.

Ūlū ose ose ūleka kwikala mulī nene, akūbiza gītī itambī ūmo līkaponejiagwa, lyūūma. A matambī ga gīko gakakumingagwa gaponyiwa mu moto gapemva.

Ī yenīyī nalīmuwīla kūlwa gīkī ū būyegi bone būbize hamò ning'we; hama ū būyegi wing'we būshikane.

Ūlū ng'ūshidima ī shilagīlo shane mukwikala ū mu būtogwa bone, gīt'ūmo nū nene nakikalaga mu būtogwa bo ng'wa Baba, īkī nashidimile ī shilagīlo shakwe.

Alīyo nalīmulagīla gīkī, būlī ng'wene itogwe na biye.”

Ūlū ni mulī ba mu sī, ī sī ni yamutogwa nguno ni mulī baamo; alīyo ī haha mutī ba mu sī, naamalile kūmusolanhya kwīnga mo ū mu sī, h'ī nguno yene ī sī īmukolilwe.