Popular Bible Verses from Kūfuma 9

Share

Alīyo ūtaalī ūlīho, nakūlekile wikale mpanga kūlwa mhayo gwa gīkī, nakoolekeje ū būdūla wane; na gīkī ī lina lyane līkumūchiwe hose pyī ū mu sī.

Ū SEEBA ūng'wīla hangī ū Musa, “Jaga ū kūlī Falao ūkang'wīle gīkī, ‘Ū SEEBA ū Mulungu wa Bahebulania alīhaya, Balekelage a banhū bane baje bakanilamye.

Nguno ī haha ni naamalile kūgūgoloola ū nkono gwane, nūūlū kūkūkenaagūla gete ū mu sī ū bebe ng'wenekīlī na a banhū bako.

Ū nkono go ng'wa SEEBA gūkwenha ikūla lyabūbi no ū kū mitugo jako ījo jilī hanze kū madīīmīlo, ī falasa, nī nzobe, nī ngamīla jako; pyī nī ng'ombe, nī mbūli nī ng'holo jako. Alīyo ū SEEBA akūtūūla būsolanhya a ha gatī ya mitugo ja Baisilaeli nī ja Bamisili; gūtūūcha nūūlū ntugo gūmò gwa Baisilaeli.’”

Na lūūlū ī ntondo ūlū lyūshika ikanza gītī īlī, nakūtūma mbula ya mawe yabūbi no, īyo ītaalī kūtūla na kamò kūfuma aho banhū bandīja kwikala mu Misili. Ī haha lagījaga jenhwe mu kaya pyī ī mitugo jako ījo jilī kū matogolo, nī shikolo ī shingī īsho shilī hanze shingījiwe mu kaya. Nguno ī mbula ya mawe yenīyo īkūbatūla pye a banhū abo balasangwe balī hanze, pyī nī mitugo ījo jikūbiza kū matogolo; īkūshibūlaga pyī ī shose.’”

A mabu genayo gakūgalūka lūbize lūbuubu lūnogu no no no pye a hose ū mu sī ya Misili; ū lūbuubu lwenūlo lūkwenha mabute pye a hose ū mu sī yenīyī, ū kū banhū nī mitugo; gakūyūbimba gatwinīka būhila!” Ng'hana būsola mabu kwīngīīla ha liiko, būnsanga ū Falao būshika bīmīīla ū kū būtongi wakwe, hūna ū Musa ūgasaamula ng'wigūlya a mabu genayo; a banhū būgulumūkīlwa mabute, pyī nī mitugo ī jose, gūyūtwinīka būhila.