Popular Bible Verses from Kūfuma 8

Share

A bagòta aho bagema ū kūtūmamīla ī nzīla jabo ja mu giiti gīkī benhe nabo ū būda, būlemeelwa. Ū būda būkabakoya noi a banhū nī mitugo. A bagòta būng'wīla ū Falao, “Ū gwenūyū gūlī nkono go ng'wa Mulungu.” Alīyo ī ng'holò ya ng'wa Falao yalī ndaamu no, atabadegelekile; gīt'ūmo walī wahayīla ū SEEBA.

Hūna ū SEEBA ūng'wīla ū Musa, “Jaga ū kūlī Falao ūkang'wīle gīkī, ‘Ū SEEBA alīhaya, Balekelage a banhū bane baje bakanilamye.

Alīyo ū Falao aho wabona gīkī ī mihayo yabeela, ūgalūcha ī ng'holò yakwe, ūlema ū kwīta īyo baalī bang'wīla a ba Musa nū Alooni; gīt'ūmo walī wahayīla ū SEEBA.

Ūlū wikale ūtaalī ūlemile ū kūbazunīlīja ū kūja, nakwītūla pyī ī sī yako na madanga.

Ū SEEBA ūng'wīla ū Musa, “Ng'wīlagwe ū Alooni gīkī, ‘Gūbūūchage ū nang'ha gwako ūlūtūle ū lūbuubu lwa ha sī;’ pyī ū lūbuubu lwa mu sī ya Misili lūkūgalūka kūbiza būda.”

Ū SEEBA ūgwīta ū mhayo gwenūyo; magi nīyo gatī magi a gene, gūng'wikuunūkīla ū Falao ū ng'wikūlū lyakwe, nū mu kaya ja batūmami bakwe; pyī ī sī ya Misili yūkenaagūlwa magi!