Popular Bible Verses from O le Fa‘aaliga 22

Share

O a‘u le Alefa ma le Omeka, o le amataga ma le gata‘aga, o lē e muamua ma lē e mulimuli.”

“Fa‘auta, ‘ou te vave alu atu; ‘ua ‘iā te a‘u fo‘i le taui ‘ou te taui ta‘itasi atu e tusa ma lana amio ‘ua fai.

‘Ua fetalai mai le Agaga ma le fa‘ato‘anofotane, “Inā sau ia.” Inā fai atu fo‘i ia i lē e fa‘alogo, “Inā sau ia.” O lē e fia inu, inā sau ia, ‘atoa ma lē e mana‘o i ai, inā ‘ave fua ia lea vai o le ola.

‘Amu‘ia i latou o ē e ta o latou ‘ofu, ‘ina ‘ia taga ia i latou le la‘au o le ola, ma ‘ia latou ulu atu i le ‘a‘ai i ona faitoto‘a.

Ona fa‘apea mai ai lea o Iesu, “Fa‘auta, ‘ou te vave alu atu. ‘Amu‘ia lē e tausi i ‘upu o le valo‘aga o lenei tusi.”

E leai lava se po i lea mea; e lē aogā fo‘i ‘iā te i latou se molī, po o le malamalama o le la; auā o le Ali‘i le Atua na te fa‘amalamalamaina i latou. E fai fo‘i i latou ma tupu e fa‘avavau fa‘avavau lava.

‘Ua fai mai le molimau i nei mea, “E moni, ‘ou te vave alu atu.” Amene. O lea lava, le Ali‘i e Iesu, ia e afio mai! ‘Ia ‘iā te ‘outou uma le alofa tunoa o le Ali‘i o Iesu. Amene.

Auā ‘ou te ta‘utino atu ia i latou uma o ē e fa‘alogo i ‘upu o le valo‘aga o lenei tusi. A i ai se isi e fa‘aopoopo mai se ‘upu i nei ‘upu, e fa‘aopoopoina atu e le Atua ‘iā te ia o mala ‘ua tusia i lenei tusi. A i ai fo‘i se isi e ‘ave‘ese se ‘upu i ‘upu o le tusi o lenei valo‘aga, e ‘ave‘eseina e le Atua lona tofi i le la‘au o le ola, ma le ‘a‘ai pa‘ia, o mea ia ‘ua fa‘amatalaina i lenei tusi.