Popular Bible Verses from O le Fa‘aaliga 19

Share

‘Ia tatou fiafia ma ‘oli‘oli, ma tu‘u atu le vi‘iga ‘iā te ia; auā ‘ua o‘o mai le tausama‘aga a le Tama‘i Mamoe. O lona faletua fo‘i ‘ua saunia o ia e ia.

‘Ua ‘iā te ia fo‘i le suafa ‘ua tusia i lona ‘ofu ma lona vae, “O le Tupu o tupu, ma le Ali‘i o ali‘i.”

Na ‘ou va‘aia fo‘i le lagi ‘ua avanoa, fa‘auta fo‘i, o le solofanua sinasina, o lē e ti‘eti‘e ai fo‘i ‘ua igoa o ia o le Fa‘amaoni ma le Moni, o le amiotonu fo‘i na te fa‘amasino ai ma tau ai le tau‘a.

‘Ua pei o le mumū o le afi ona fofoga, ‘ua i lona ao fo‘i paleāli‘i e tele. ‘Ua ‘iā te ia le suafa ‘ua tusia e lē iloa e se isi ‘ua na o ia lava. ‘Ua ‘ofu fo‘i o ia i le ‘ofu ‘ua fufui i le toto. ‘Ua fa‘asuafaina o ia, “O le ‘Upu a le Atua.”

‘Ua alu atu fo‘i le pelu ma‘ai mai lona fofoga ‘ina ‘ia taia a‘i e ia o nu‘u; e pule fo‘i o ia ‘iā te i latou i le to‘oto‘o u‘amea. E soli fo‘i e ia le soligāvine o le to‘asā mamafa o le Atua e ona le malosi uma lava.

‘Ona pu‘ea lea o le manu fe‘ai ‘atoa ma le perofeta pepelo o lē na faia fa‘ailoga i ona luga, o mea ia na fa‘asesēina ai e ia o ē ‘ua i ai le fa‘ailoga o le manu fe‘ai, ma ē ‘ua ifo i lona fa‘atagata. ‘Ua lafoolaina i lā‘ua i le lepa afi ‘ua mū i le teiō.