Popular Bible Verses from Ioane 11

Share

‘Ua fetalai atu Iesu ‘iā te ia, “O a‘u o le toetū ma le ola. O lē fa‘atuatua mai ‘iā te a‘u, e ui lava ‘ina oti, e ola lava ia; o tagata ola uma o ē e fa‘atuatua ‘iā te a‘u e lē oti i latou. Po ‘ua e talitonu ‘ea i lenei mea?”

‘Ua fetalai atu Iesu ‘iā te ia, “ ‘Ou te le‘i ta‘u atu ‘ea ‘iā te oe, o le a e va‘ai i le mamalu o le Atua pe ‘āfai ‘e te talitonu?”

‘Ua tagi Iesu.

‘Ina ‘ua fa‘alogo ai Iesu, sa fetalai atu loa o ia, “E lē i‘u ‘ina oti le ma‘i lenei; na faia lenei mea ‘ina ‘ia vi‘ia ai le Atua, ma ‘ia ‘avea fo‘i ma ala e vi‘ia ai le Alo o le Atua.”

‘Ua uma ‘ona fetalai atu e ia lenā ‘upu, ‘ona vala‘au atu lea o ia ma le leotele, “Lasalo e, inā sau ia i fafo!” Na sau loa i fafo lē na oti, ‘ua fusifusi ona lima ma ona vae i le ‘ie, ‘ua fusi fo‘i ona mata i le ‘ie. ‘Ua fetalai atu Iesu ‘iā te i latou, “Talatala ‘iā te ia, ma tu‘u atu e alu.”

Na toe tigā tele le finagalo o Iesu, ‘ona maliu atu lea o ia i le tu‘ugamau, i le ana o lo‘o i ai le ma‘a i le gutu.

‘Ua uma atu lea ‘upu, ‘ona toe fetalai lea o Iesu ‘iā te i latou, “O lo‘o moe la tatou uō o Lasalo, ‘ou te alu atu e fafagu ‘iā te ia.”