Popular Bible Verses from NÁN RÓMA VɄ 4

Share

Ibrahí̧í̧ma 'yɛ́ zó̧ó̧ woo ya̧g talı̵́ Tayɨɨ woo yȩlȩ́, faan moo né á̧ḿ, a̧máa na' Tayɨɨ, zó̧ó̧ 'yɛ́lı̵́ woo tii sȩ́ń sȩ́nné mɛ́ń. 'Yɛ́ zó̧ó̧ hȩn Tayɨɨ ká ka ta ya̧g wu̵lı̵́ 'waapád yȩ ban kɔ́yyú̵.

kɔ́ ı̵́ debtere ká o̧ máa wɔgɔ, o̧: “Mí 'yɛ́m ba' zig nán voo vu̵ ɓu̵u̵lı̵́ na'a.” Tíŋ́ Tayɨɨ woolı̵́ máa, ba ví waa Ibrahí̧í̧ma woo vu̵ yu̵, moo Ibrahí̧í̧ma ka 'yɛ́ zó̧ó̧ woo Tayɨɨ woolı̵́ má nɔ, Tayɨɨ ka nim nán vu̵ nɔmmé, ka bee hȩn ı̵́ ku̵u̵ pɛ́lı̵́ máa vu̵, vu̵ tii mbaa wu̵lı̵́ á̧ḿ.

Ká vu̵ nɔɔ Yesu moo hȩn kɔ́lı̵́ sɔnné baa ví nu, ma Yesu duu níḿ, moo aa to̧n vi kan Tayɨɨɨ.

Ibrahí̧í̧ma ká fȩȩ moo Tayɨɨ woo, kóó ka ho̧n hȩn zó̧ó̧ 'yɛ́lı̵́ tóó né yȩ nɔ si̧'. 'Yɛ́ zó̧ó̧ Tayɨɨ woolı̵́ ma tii “ba' zig nán voo vu̵ ɓu̵u̵lı̵́ na'a” kɔ́ ı̵́ Tayɨɨ ka o̧ddu̵ máa wɔgɔ, o̧: “Zig móó wú̵ń ɓu̵u̵ ı̵́ yo̧go̧” á̧ḿ.

Moo woo nɔ ma, Tayɨɨ ká ta ya̧g yúú zó̧ó̧ 'yɛ́lı̵́lı̵́, moo bi pú̵ hȩn woo leená té'. Tée báń mbaa ví waa Ibrahí̧í̧ma woo vu̵ 'waapád, nán ku̵u̵ duu dooká Tayɨɨ woo vu̵ máa voo nɔ dágá pɛ́lı̵́, a̧máa nán ı̵́ ku̵u̵ 'yɛ́ zó̧ó̧ voo woolı̵́ kɔ́ ı̵́ Ibrahí̧í̧ma wɔgɔ máa á̧ḿ. Ibrahí̧í̧ma wu̵ ba' nán zó̧ó̧ 'yɛ́lı̵́ baa ví 'waapád

“Du̵u̵d nán ı̵́ Tayɨɨ ka kéé hȩn kə̧ə̧g kɔ́lı̵́ voo gbɔ sú̵'ú̵, ma ka na'ad hȩn ɓı̵́d voo gbɔ la má nɔ. Du̵u̵d nán ı̵́ ı̵́ 'yɛ́lı̵́ Tayɨɨ ka tiinɔ píg né má nɔ!”

Debtere o̧: “Ibrahí̧í̧ma ká 'yɛ́ zó̧ó̧ woo Tayɨɨ woolı̵́, ma Tayɨɨ ho̧ zó̧ó̧ 'yɛ́lı̵́ woo, 'yɛ́gɛ nán to̧o̧g woo.”