Popular Bible Verses from NÁN RÓMA VɄ 3

Share

moo nán 'waapád vu̵ kɔ́ hȩn ɓı̵́d, na"ȩ́ Tayɨɨ woo voolı̵́ pɛ́lı̵́. A̧máa Tayɨɨ to̧n kan vu̵ té', kan zó̧ó̧ nán woo, yúú ba'ad Yesu Krístu woo ka səd nán vu̵ yȩlȩ́.

Tayɨɨ to̧n kan nán ku̵u̵ 'yɛ́ zó̧ó̧ voo Yesu Krístu woolı̵́ máa vu̵ yu̵. Nán ku̵u̵ 'yɛ́ zó̧ó̧ voo woolı̵́ máa, vu̵ to̧n kan Tayɨɨ 'waapád. Tayɨɨ səgən nán tóó né

Tayɨɨ dɔddu̵ la nɔmmé moo bi kéé hȩn ɓı̵́d nán ku̵u̵ 'yɛ́ zó̧ó̧ woolı̵́ yȩ voo gbɔ yúú nɔm woo yȩlȩ́. Tayɨɨ kɔ́ ı̵́ yo̧go̧ moo bi tú' ba bin kɔ́ hȩn yagalı̵́. Ká tíŋ́ máa, Tayɨɨ ma' zó̧ó̧, ká si̧'i̧n nán vu̵ moo hȩn ɓı̵́d voo né. A̧máa 'ya̧'a̧ yɛ tú' ba bíń to̧n kan nán vu̵ nɛ́nná, moo hí̧í̧ bi kɔ́ hȩn yȩ́ń, bi tii nán ı̵́ ku̵u̵ 'yɛ́ zó̧ó̧ voo Yesu woolı̵́ máa vu̵ ı̵́ to̧o̧g bii á̧ḿ.

moo nán tóó ba kɔ́ hȩn dooká Múúsa woo ku̵u̵ o̧ yɛ, ma ba to̧n kan Tayɨɨ máa ba pɛ́lı̵́. Dooká yȩ vu̵ tú'ud nán vu̵ hȩn dágá, wu̵ yɛ nɔ, tú'ud vu̵ ba u̵u̵ gaa ba bin nán hȩn ɓı̵́d kɔ́lı̵́ vu̵ yu̵.

kɔ́ ı̵́ debtere ka o̧ wɔgɔ, o̧: “Nán ba ka kɔ́ hȩn hí̧í̧lí̧ Tayɨɨ woo máa, ba pɛ́lı̵́, kóó dágá aga. Nán moo taalı̵́ pɛ́lı̵́. Nán tóó soon Tayɨɨ né. Ya voo 'waapád vu̵ ti sı̵́ hi̧naa laalı̵́ Tayɨɨ woolı̵́ ú̵. Vu̵ kɔ́n hȩn du̵u̵ tóó né, kóó nán dágá aga.

moo vɔ́ taa vóó, Tayɨɨ ba to̧n kan nán yúú zó̧ó̧ 'yɛ́lı̵́ woolı̵́, a̧máa moo ka kid dooká Múúsa woo vu̵ yu̵ tɔ́g má nɔ pɛ́lı̵́.

Pɛ́lı̵́ sá̧ḿ! Kóó nán 'waapád a mbaa nán vbáddɨ si̧', Tayɨɨ moo woo moo yȩ́ńne kɔ́ ı̵́ debtere Tayɨɨ ka o̧ wɔgɔ, o̧: “Mɔ́ń mbaa kan moo yȩ́ń ya moo fannélȩ́; kóó nán u̵u̵ doomɔ́ si̧', moo móó to̧o̧ ó̧.”