Popular Bible Verses from NÁN RÓMA VɄ 10

Share

Tow a̧m o̧d nán vu̵ kan ya̧g móó Yesu ba wu̵ ı̵́ 'yɛ́lı̵́, tow a̧m fȩȩ zó̧ó̧ móólȩ́ Tayɨɨ ba nimmɔ sı̵́ nɔmmé ó̧ tée, mɔ́ń sə́ddú̵.

Moo ȩná? Moo nán ka fȩȩ moo zó̧ó̧lȩ́ tée, Tayɨɨ to̧n kannɔ sú̵'ú̵. Nánán ka moo moo kan ya̧g woo tée, Tayɨɨ səddu̵ sú̵'ú̵ á̧ḿ.

Nán vu̵ ki ya̧g ba'ad, ma vu̵ 'yɛ́ zó̧ó̧ voo wu̵lı̵́. Ya̧g ba'ad yɛ wu̵ moo palı̵́ yúú Krístu woolı̵́.

Debtere o̧: “Nán a 'yɛ́ zó̧ó̧ woo wu̵lı̵́ tée, sȩ́ḿ wú̵ń kɔ́nnɔ né.” Hȩn ba səg nán Yúúda vu̵ kan nán ı̵́ ku̵u̵ Yúúda pɛ́lı̵́ máa vu̵ á̧ḿ, pɛ́lı̵́, moo Tayɨɨ wu̵ ı̵́ 'yɛ́lı̵́ nán voo 'waapád. Ɓɛ hȩn naa woo na'a yȩ 'waapád, pú̵ nán ı̵́ ku̵u̵ duu yɛ́g woo máa, moo debtere o̧: “Nán ı̵́ ku̵u̵ duu ı̵́ 'yɛ́lı̵́ máa, vú̵ń sə́d 'waapád.”

Tow u̵u̵ ba'an nán tóó vu̵ la né tée, nóo wú̵ń la o̧d vu̵lá? Debtere o̧ ı̵́ yo̧go̧, o̧: “Nán ku̵u̵ pa̧ŋ moo to̧o̧ 'maŋ yaan máa, hȩn zó̧ó̧ dȩ"ȩ́ȩ.”

A̧máa u̵u̵ 'yɛ́n zó̧ó̧ voo woolı̵́ né tée, vú̵ń dəŋ née duuwu̵lá? Ʉu̵ kin ná moo woo né tée, vú̵ń dəŋ née 'yɛ́ zó̧ó̧ voo wu̵lı̵́lá? Nán tóó a o̧n vu̵ moo woo né tée, vú̵ń dəŋ née kilá?

Krístu ka yaa máa, dooká Múúsa woo vu̵ sí̧' sú̵'ú̵, moo nán zó̧ó̧ 'yɛ́lı̵́ u̵u̵ to̧n kan Tayɨɨ wu̵lı̵́.