Popular Bible Verses from NÁN RÓMA VɄ 1

Share

Sȩ́ḿ kɔ́n mí yúú moo to̧o̧ 'maŋŋı̵́ né, moo wu̵ néélȩ́ Tayɨɨ woo, ka bi səd nán zó̧ó̧ 'yɛ́lı̵́ vu̵ wu̵lı̵́ má nɔ. Dəŋ nán Yúúda voolı̵́, ma laa nán ı̵́ ku̵u̵ Yúúda pɛ́lı̵́ máa voolı̵́ á̧ḿ

moo moo to̧o̧ 'maŋ tú' dəŋ née Tayɨɨ ba to̧n kan nán vu̵lá. Kɔ́y də́ń kan zó̧ó̧ 'yɛ́lı̵́ kɔ́ ı̵́ debtere ka o̧ wɔgɔ, o̧: “Nán a 'yɛ́ zó̧ó̧ woo Tayɨɨ woolı̵́, tée Tayɨɨ sı̵́ń to̧n kannɔ, tée nán yȩ wú̵ń nuŋ vágád yȩ́ńná.”

moo sey Tayɨɨ ka dəŋ yɨb hȩn máa, ba'ad woo ka kɔ́ yȩ vu̵u̵ tú' mbaalı̵́ woo, kaa ho̧nnɔ kan nɔ́ɔ́ né yȩ, kan hȩn mbalı̵́ woo, kan mbaalı̵́ woo káákáá yȩ á̧ḿ. Nán u̵u̵ gaawu̵ yúú hȩn woo yȩ vu̵lı̵́. Moo woo nɔ, nán vu̵ kan ya̧g moo su̵u̵né pɛ́lı̵́.

Vu̵ gaa Tayɨɨ sú̵'ú̵, a̧máa vu̵ na'anɔ né; vu̵ dȩnnɔ nag kɔ́ ı̵́ ka hí̧i̧n wɔgɔ né á̧ḿ. A̧máa vu̵ tii taa moo 'yɨg la ka'adı̵́; zó̧ó̧ ya̧ŋ voo tii vu̵, vu̵ mbaa la dimná.

Vu̵ tii moo yȩ́ń Tayɨɨ woo moo vbád. Vu̵ na' hȩn Tayɨɨ ka yɨb vu̵, vu̵ kɔ́d vu̵ ba'ad, a̧máa vu̵ na'an ı̵́ hȩn yɨmné aga né. Ba na' ví wu̵ yu̵ káákáá; aamɛ́n.

Tayɨɨ kɔ́ zó̧ó̧ yȩ́ȩ́ zu̵u̵ be"ı̵́ pi, si̧'i̧d nán vu̵ yúú hȩn ɓı̵́d ku̵u̵ kɔ́, kan ba'ad ɓı̵́d voo vu̵ ku̵u̵ há' moo yȩ́ń a moy sá yȩlȩ́.

Moo woo nɔ, Tayɨɨ ndaa vu̵ gbɔ la, moo u̵u̵ kɔ́ hȩn sí̧i̧d kan hȩn sȩ́ḿ vu̵. Kȩ́ȩ́ voo vu̵ á̧ḿ, vu̵ ud kan daga vu̵; ı̵́ yȩ máa, hȩn kɔ́lı̵́ɨ pɛ́lı̵́! Wayée vu̵ á̧ḿ, vu̵ ma únní kan wakȩ́ȩ́ vu̵, vu̵ pi zó̧ó̧ moo únní kan daga wayée vu̵, vu̵ kɔ́ hȩn sȩ́ḿ kan daga vu̵, ma vu̵ nuŋ hȩn si̧'i̧ní ku̵u̵ maa nuní máa fó̧ó̧ voolı̵́. Ku̵u̵ sɛ́n Tayɨɨ gaalı̵́ né máa, Tayɨɨ ndaa vu̵ gbɔ la, u̵u̵ mbaa kan moo taalı̵́ voo ka líi ní yȩlȩ́, moo u̵u̵ kɔ́ hȩn ka maan kɔ́lı̵́ né má nɔ.

Vu̵ o̧ ba bin nán hȩn gaalı̵́ɨ, a̧máa vu̵ ya̧ŋŋɨ. Vu̵ na'an hȩn gbo̧o̧ Tayɨɨ woo ka nɔɔ né yȩ né, vu̵ tii na' fóto nánán voo kɔ́ u̵u̵ dɨ nɔɔlȩ́ yȩ vu̵ á̧ḿ, kan ı̵́ nɔ́g voo, kan pú̵g ı̵́ doo ndaddú̵ voo, kan hȩn ı̵́ ku̵u̵ wóó hágá voo á̧ḿ.