NÁN RÓMA VɄ 1:26-28

Moo woo nɔ, Tayɨɨ ndaa vu̵ gbɔ la, moo u̵u̵ kɔ́ hȩn sí̧i̧d kan hȩn sȩ́ḿ vu̵. Kȩ́ȩ́ voo vu̵ á̧ḿ, vu̵ ud kan daga vu̵; ı̵́ yȩ máa, hȩn kɔ́lı̵́ɨ pɛ́lı̵́! Wayée vu̵ á̧ḿ, vu̵ ma únní kan wakȩ́ȩ́ vu̵, vu̵ pi zó̧ó̧ moo únní kan daga wayée vu̵, vu̵ kɔ́ hȩn sȩ́ḿ kan daga vu̵, ma vu̵ nuŋ hȩn si̧'i̧ní ku̵u̵ maa nuní máa fó̧ó̧ voolı̵́. Ku̵u̵ sɛ́n Tayɨɨ gaalı̵́ né máa, Tayɨɨ ndaa vu̵ gbɔ la, u̵u̵ mbaa kan moo taalı̵́ voo ka líi ní yȩlȩ́, moo u̵u̵ kɔ́ hȩn ka maan kɔ́lı̵́ né má nɔ.