Popular Bible Verses from Maqthaiq 9

Share

Aq-u phao, Yeiqsul aivq nail yaq laol juq bhai ge bhiq-a nail: “Gov gaiq mao lal thaq nail mao dai jiav khi ngaol-aoq, gaiq nail tsaol-aq micil teevq-eel ngaol. Al heel ngel-i mail, ‘Naoq nail gov gov yal bhai gov gaiq nail tsaol-aq mao dai bhi lee yaoq’ dai, gov nail ilheel gaq bhai geeqlaoq hal yaoq” dai, ge bhiq-a nail ngaol.

‘Laol nail sail nail phaq bhai ngal oil movq nail maq ngel. Gaoq haq gaiq-a nail phaq bhai ngal oil movq nail ngaol’ dai, Miqyail-i mail ge-ai thaq nail daoq al daoq nail daoq ceevq bhai nul juq aqmeeq-ai saol duq ail yaoq. Khul khi mail dai ngal-aq neq, tsaq nail daol nail tsaol-aq bhai khul nail dai khi, ngal lee-a nail maq ngel. Oeqbal yaq bhai khul nail dai khi, ngal lee-a nail ngaol” dai, ge bhiq-a nail ngaol.

Aivq tsaol-aq munl munl ma juq bhai ya moel-u phao, aqyu juq bhai gaoq haq nail ngaol. Khul khi mail dai ngal-aq, aqyu juq neq, hel daiq phail nail gaq maq jaol nail yaol khe-ai, khaoqlaol nail lavqkhoel nee gaq bhaq dee dee nail ngaol.

Yeiqsul daoq al daoq ya gaiq-u phao, aqyu juq bhai ge kovq bhiq-a nail: “Jaol hal dov nail tsaol-aq juq neq, ja gaq coev nail saq laq maq loq-ail. Nal nail tsaol-aq taivq-ail loq nail ngaol.

Aq-u phao, meenq doi jul gu doi dai, Yeiqsul ail khi, uqhuq thaoq nail ilkhaol juq bhai daoq cavq daoq cov cov ail-a nail ngaol. Nqtavq Milkhaoq nail ganl lavqkhiq tsail nail geeqlaoq daoq cavq khi, nal nail goel nail yaoq phaq yaoq-ao nee bhai lav meeq bhiq-a nail ngaol.