Popular Bible Verses from Maqthaiq 10

Share

Yeiqsul gaoq ge nail: “Hel daiq dei-eiq. Oelnel nail munl lavqkhoel yaol bhai phaiq bhoel gai aivq nail khe-ai, ngal nul juq bhai miltsaq yaq nail lavqkhoel bhai khoel gai aivq naol. Al heel ngel-i mail, eellel khe-ai aqgeel geel khi, khaoq khoiq khe-ai, yu bhai maq thoiq maq tsi dai, jaol yaoq.

Yovqgavq nail doevq nail phaq ya dai hal pov nail gaq neq, doevq nail phaq sunq ail nail ngaol. Thail hai ngaol-aoq, ngaq nail haqbhoil yovqgavq nail doevq nail phaq bhi sunq ail nail gaq neq, doevq nail phaq ya nail ngaol” dai, ge bhiq-a nail ngaol.

Aq maol bhai heivq nia khi ngaol-aoq, aqhaqlal bhai maq heivq nia nail tsaol-aq juq bhai thaq gee sil. Aqhaqlal bhai iqsanl aqmaol bhai iqsanl, daq ovq lao ma eel tsul nail lavqkhoel bhai lav cov nia nail Miqyail bhai gee sil yaoq.

Yovqgavq nail lavqyavq yovqgavq bavq khi ngaq nail haoqnao maq tsao thel lavq nail gaq neq, ngaq nail yaq laol jiovq nail maq geel-nvq-ail.

Yeiqsul gaoq ge nail: “ ‘Ngal Yeiqsul nail yaq laol ngaol’ dai, tsaol-aq nail sivtavq bhai ge dov nail khul gaq bhai maqkhaiq, ‘Thoil gaq neq, ngaq nail yaq laol ngaol’ dai, nqtavq kovtavq bhai jaol nail ngaq nail Aqbhu nail sivtavq bhai ngal ge dov naol. Thail hai ngaol-aoq, ‘Ngal Yeiqsul nail yaq laol maq ngel’ dai, tsaol-aq nail sivtavq bhai jil ha nail khul gaq maqkhaiq, ‘Thoil gaq ngaq nail yaq laol maq ngel ail’ dai, nqtavq kovtavq bhai jaol nail, ngaq nail Aqbhu nail sivtavq bhai, ngal jil ha naol” dai, ge bhiq-a nail ngaol.

Nal nail tsaol-aq bhai lav meeq bhiq yaoq. Sil-a nail tsaol-aq bhai gaoq bhi doevq kovq lal yaoq. Niaoqbhaoq daol nail tsaol-aq bhai, bhi meeq bhi haol lal yaoq. Neivq aol nail tsaol-aq juq bhai the dov bhiq yaoq. Nul juq aqnieivq ail ya-a nail khe-ai, yu bhai iqsanl aqnieivq ail bivq yaoq.

Al heel ngel-i mail, thaq gee sil. Nul juq neq, jaltsil mao dai mao nee maq tsil phoiq jaiq nail ngaol” dai, ge bhiq-a nail ngaol.

Yeiqsul gaoq ge nail: “Ngal miltsaq bhai bhi tsaq bhi jil lee thaq nail niil dai, thaq noeq. Bhi tsaq bhi jil lai nail dai khi, ngal lee-a nail maq ngel. Ngal thaoma bavq khi lee-a nail ngaol.