Popular Bible Verses from Яхъя 17

Share

Аларны Үз хакыйкатең белән изге ит. Синең сүзең – хакыйкать.

Сине, бердәнбер хак Аллаһыны, һәм Син җибәргән Гайсә Мәсихне танып белү – шул мәңгелек тормыштыр.

Мин алар өчен генә түгел, аларның сүзе аркылы Миңа иман китерүчеләр өчен дә үтенәм: бөтенесе бер булсын иде. Атам, Син Миндә һәм Мин Синдә булгандай, Синең Мине җибәргәнеңә дөнья ышансын өчен, алар да Бездә булсыннар.

Аларны дөньядан алуыңны түгел, бәлки явызлыктан саклавыңны үтенәм.

Син Миңа биргән данны аларга җиткердем: Без бер булган кебек, алар да бер булсыннар. Мин аларда, Син Миндә. Мине җибәргән булуыңны һәм Мине яраткан кебек аларны да яратуыңны дөнья танысын өчен, алар тулысынча бердәм булсыннар.