Popular Bible Verses from Bafilipo 2

Share

tamukite kitondo kinsania ku miango aba ku luikotio, tondo ku kubota, na muntu na muntu akutie munyage kutinga buikutia; muntu na muntu ntakengele bitondo biage wenyene, tondo muntu na muntu bitondo biongo.

Mube na makengelo mamo mumuli anga bumabezaga mu Klisto Yesu

kubuno we abezaga Kalaga, tondo ntakengede buno kuko kulingimana na Kalaga kuli kena. Tondo eikunguide lutanuno, abede anga mukobe, abede na kisusania kia muntu; nu amonekile na lukita anga lua muntu, nu eisigulizizie, anzile aba ku lukuo lua muti wa magu.

kubuno Kalaga ukukita mumuli, kumukasia kukita anga buakutunda.

Ku bubuno Kalaga amukutizie nunse, amuinikile izina liatinga meina mansania; buno kuizina lia Yesu izu neizu likakomua, lia binsania bia muigulu nu bia mu kisi nu bia kunsi kua kisi, nu lulami na lulami lukeitabizia buno, Yesu Klisto eli Mukota, ku lutanuno lua Kalaga Tateisue.

Kitazi binsania geteli manungunungu nu miango: buno mube bana ba Kalaga beteli na kabalibango, nu buengelezi, nu mulubu mu kibuti kibi, nu kialubikana, mubeli mukumoneka kuba kiengi mu kisi

Ububo, batundua bane, anga bubo bumuanzaga bindi bin­sania, nkungu zinabezagako, tondo ndi nsiliko, zindiliziazi lonio lueinyu, mukue boba nu mugilimine