Popular Bible Verses from Misako 5

Share

Tondo Petelo nu basingua bakuide bune, Buatutunganana kuanza Kalaga kutinga bantu.

Nu busi na busi, mu numba nnene za kukumbamina, nu mu numba zabo, tabamenkile kuigisia nu kusambala musagu musoga wa Yesu buno u Klisto.

Tondo Petelo amubuide bune, Anania, kubuni Satana eizazia mutima wobe kuengelela Muuza Wasililila, weibindikila nkindi nkeke ku biwakunzagia kuisoa? Galiabezagile ndi taliabezagile liobe? Aba galiasilile kukunzua, ndi taliabezagile ku buangato buobe? Kubuni kuwakengede mu mutima wobe kukita bubuno? Ntueka bantu buza, tondo Kalaga aguweka buza. Anania gongule ku bubo, aguide, nu alekene: nu bansania gabongule ku bubuno bakule boba nunse.

Nu kano kaluma nkumubula bune, Tamunangana na bantu babano, basigazi: kubuno luango luluno aba mulimo wono ndi watukile ku bantu, nti wakue: tondo ndi luli lua Kalaga, inyue tamuna­vuama kuluita, munaba anga bekusaka na Kalaga.