Popular Bible Verses from Luka 17

Share

Yesu loonga lande mbo— Emalaka, kɛndɛkɛ eyaɛ; liimeli liaɛ lisouwes’aɛ.

Ango ekeel’aɛ obe bakela bosambale nda lise limɔi, nde einwaka end’aɛ bainwa bosambale oyaonga mbo— Isokalangana; otomɛsɛl’inde.

Loyaka nde mbo aɛk’iyo, iyo lotanesomo. Ɔmɔi wau, ɛnɛk’inde mbo asosäsesomo, inde loinwa ani inde loinela Mungu la limiki lifi, inde lotulia bɔmbɔ se nda batindi ba Yesu, inde lof’inde kelekëlë; boto ona aäkä wa Samalia.

Tatichaka bekeeli yanu angɛnɛ. Eyambo etungani yaɛ ekela obe, imaka inde; ekalangana, mɛsɛlɛkɛ inde.

Yesu lomutoel’inde mbo— ¿Bato liu batitanesomuku; ebamɔi libwa anima to?

Limɔ Inde loonga mbo— Boyala la liimeli kwa lokoto lɔkɛkɛ loa mbasɛ, ani ino koonga la isandu sina mbo— Aɛ angɛnɛ uwolomo, lɔɔmɔ nda balia ba eliya; ongoma shao kolitesa lioi lianu.

Boto oyatolukä mboka yotekamesa liwawi liande, atolefesa nde liao; la oyatolefesa liao, inde nd’atoikesa liao.

Yesu loonga la baeki bande mbo— Angokɔkɔlɔ ndokufa mbo tolonga totakwesa bato nda obe, kongo ko aeko wale end’inde oyatotake twao. Loeti nde l’olau mbo litalɛ lifi likandomoko nda kingo yande, la mbo aumbolomoko nda balia ba eliya, eoka liwa lia oyatokwesa ɔmwito wa ebana-ba bakɛkɛ litolonga liwa lina.

Kwa ayaläkä wenda nda mbile ya Noa, ko ongoma nda bacho ba Wana wa Boto; balakäkä bieka, bamwäkä, basɔngɔ̈kɔ̈ bali, basɔngɛsɔmɔ̈kɔ̈ konda bochoao ewaɔtɔ̈kɔ̈ Noa nda ndakɔ ya watɔ, limɔ fela efi loya oyaombes’iyo yaatotina hombe.