Popular Bible Verses from Luka 17

Share

Biabia bamulungwile’shi: Ebwe, oende luendo īobe: lukuluhilo lwobe lubakuhasha.

Su bakusola misusa musambobidi kwifuku dimune, na mwifuku dimune akaluka kodi misusa musambobidi’shi nelanga, okamulekyele.

Na umun’abo, habamwene’shi natoshwa, bālukile, atumbishe Efile Mukulu n’eyi dikata. Ahona ha mpala (ye) ku ngwa ye, na kumutumbula: n’e badi mwina Samadia.

Nwilamei’nwe bana bene. Su mukwenu bakusola mwada, nomusashile; su bēlanga omulekye.

Biabia Yesu bālulwile’shi: A takwikalanga ekumi batoshibwe, anka kitema ki kwi kunyi?

Nfumwetu bālulwile’shi: su nubadi na lukuluhilo bu kamuma ka mutshi wa mutade nwi bianudia kwakula ku uno mutshi wa (buki) syeamine: wekale mu shūdikye mpa na ku mishi, okyekune mu kalunga ka mema; n’au aukenukokyela.

Ese akimbi kuhasha muwa we akeushimisha: n’ese akashimisha muwa we akeubombelesha.

Henyihaha, balungwile bana be ba bukishi’shi: Tabikakutwa kufika biakukokola anka mpombo (kwi yawa) akebifisha. Kuanya kwa yawa muntu ebwe adihelwa mu nshingo, kumwela mu kalunga ka mema, nkukile buwa e kukokosha umune ā’ba bahela.

Bu bibadi bikale mu mafuku a Noa, biabia namu abikekala mu mafuku a Mwan’a muntu. Abādi abādi, abādi abatomo, abādi abehelena malunda, abādi a bahebwa malunda, mpā na kwifuku dibatwele Noa mu bwato, na kieshi kia mpeshi kibafikile na kwibatukisha boso.