Popular Bible Verses from Atos 2

Share

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hanushũ Jesusũ kuxipayabũ hatu yusĩaĩbu habũ hatũ yusĩa tapĩkĩ txĩtuãma hawara hatũ hamapai pashkai merabenaĩ inũ, itxashũ hatubetã Jesus hatu mawashunima xinãkĩ misi pikĩ inũ, habubetã Deus kuxipa yukakubainibukiaki.

haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

hawaira nai anua hawẽ bana niwe kuxipa bei dãka imis keska shũku ibirani hanu maniabu anu kerũ kerũ ikĩ haskakĩ Jesus ikũwaĩbu tibi txi here keska shawakeakei hatu mamaki maratamea hi ibauni hatuki hikiakeakeaya haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

Hanua shaba tibi Templo hemaĩtĩ anushũ kuxipa yukakĩ hiwe anushũri itxashũ hawa txĩtuãma xinã txãkãbetanã hatubetã pikĩ Jesus hatu mawashunima xinãmati misi pikĩ Deus kẽwaĩbũ dasibibũ hatukiri pe xinãkubainaibũ shaba tibi betsabũ Jesus ikũwaĩ yurã kaiã itxai hatuki dasiaibu Deusũ hawenabu hatu wakĩ kenakubainikiaki, habu hiwei mekekatsi ikaiburã.

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

ikũwaĩbu dasibi pashkama merabenaĩ hatũ hamapai yauxiama inãnanãkĩ betsabu mabuyabu inũ baiyabũ hawẽ pei bikatsi huni betsabu inãtã hawẽ pei bitã ikũwaĩbu nuitapaibu hawa hayama pei hatu pashkashũkĩ merabewakubainibukiaki.

Hanushũ tsuabũra: Ẽ Shanẽ Ibu Yavé Deus kuxipaki, ikĩ ea yuiaibu habu besti pashakĩ hatũ hiwea ikibi ika bishãkanikiki’, aka Joelĩ yusĩtã nuku keneshuniki— iwanã, Pedrõ ana hatu yuikĩ

Ẽ bake kuxipahairai txashakapai shanẽ ibui hua kemariamakẽ shaba betsa betsapashanikiki. Ha haskaitiã bari ana txashama mexu wakĩ inũ ushe ana txashamari himi keska ishanikiki.