Popular Bible Verses from Felepiɛŋ 2

Share

Káfe ŋɛi-kpala-mɛni kélee da kɛ̀ kpaa máŋ yoŋka-mɛni kélee, kɛ́lɛ, ka kákpîŋ maa yeŋ, ka káƃarâai siɣe a nûa lɛ́lɛɛ e tɛɛ káa kpîŋ kâa. Káa tɛi-tɛi ŋí káfe kákpîŋ-mɛni su kàa nɔ́, kɛ́lɛ ka káƃarâai dímɛni su kaa máŋ.

Gili-ŋa-siai ŋí kɛ́ kákili ŋá, nyíi kɛ̀ Zîsɛ Kôrai kponôi.

Berei máŋ è kɛ̀ la a Ɣâlai, ve kánaŋ ni Ŋɔɣâla-laai ma. Kɛ́lɛ, e Ŋɔɣâla-mɛnii làa, é gbîŋ kɛ́ yɛ̂ɛ luɛ. Dí zɔlɔ ƃo yɛ̂ɛ núu-kpune. Gɛ́ɛ yɛ̂ɛ núu-kpune, è gbîŋ maa yeŋ é kɛ́ a woo-mɛni-nuu. Ŋɔwoo-mɛnii ŋí è gɛ̀ kpɔ́ é fáa a gɛ́ɛ é sáa. È sàa máŋ wúru su-tíyeŋɔɔ ma.

Kpɛ́ni fêi, Ɣâla káa tíi kɛ̂i kákponôi a gɛ́ɛ ká ŋɔnîa-mɛnii kɛ́ ká tíi kɛ́ ŋɔnîa-mɛni lɛ́lɛɛi mɛni ma.

Maa-mɛni ma Ɣâla è m̀aa tɛ̂ a gɛ́tɛ, é láa see ma nyíi dɛɛ̂i láa kélee mai, a gɛ́ɛ Zîsɛ láai su núu kélee dí pɛlɛ díŋumɛ ŋá, diai kélee díkaa ŋ̀elei sui, kpaa máŋ diai kélee díkaa ǹɔii mai, kpaa máŋ diai kélee díkaa ǹɔii mu-perei, a gɛ́ɛ ŋɔ́nɔ la-gbɔ kélee é m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Ka mɛni kélee kɛ́, káfe káŋuŋ-su-woo sàa, káfe mare-kɛɛ kɛ̀, a gɛ́ɛ kásɔŋ fè kɛ̀ kâa kámaa é waa, kákɛ a Ɣâla ǹônii nyíi-ŋai dísɔŋ fé diai, tãi kákaa la ŋulu-ƃelai da moo-ƃelai sama, nyíi-ŋai ka fôlo dísama yɛ̂ɛ kwaa-ponoɔɔ ŋ̀éniɛi sui.

Mɛni ma ŋáwɛli-kɛ-maa-ƃelai, yɛ̂ɛ berei ka wɔ́lɔ woo mɛni kɛ̀ lai, ka nâa kákpîŋ ƃalo-laa kɔri a yao-maa da maa kpɛ̃liŋ. Vè kɛ̀ nɔ́ a ŋ́ɛi, kɛ́lɛ, fɛ̂ɛ nɔ́ ká gɛ́ máŋ ŋ́ɛi pôlu.