Popular Bible Verses from Lûu 3

Share

Tãi e ǹûai kélee díbatâi kɛ̀ lai, tãi ǹyaŋ e Zîsɛ máŋ ŋɔbatâi kɛ̀ lai, Zîsɛ kɛ́ɛ Ɣâla fɛlîi, ŋele-kɔlɔŋ lá e ƃò, M̀ɔlêŋ Maa Waai e yeŋ tòloŋ kponôi e pîlaŋ ma, nya ƃe wóo e kùla Ɣâla-taa, ǹyɛɛi, “Ya ƃa Ŋáwɛli-kɛ-maa-Loŋ. Ńii lâai a ímaa-mɛ̂ni.”

Zɔ̂ŋ e díkelee díwoo su tòo, ǹyɛɛi, “Ŋa kábatâi kɛ̀ a yá, kɛ́lɛ, ǹúui ŋɔwala-wala-laai tɛɛ̂i ŋ́ɔ̂i mai, gáa pâi, nyii ḿaa fé nɛ̃ɛ ni a gɛɛ ŋa ŋɔkɔ́ɔ-ŋa-kɔlɔi ɣɛli fuloŋ. À pâi kábatâi kɛ̂i a M̀ɔlêŋ Maa Waai da ŋɔŋ.

Maa-mɛni ma, ka ǹɛɛ naa káƃa e kálii-penêi lɛ́. Káfe pɛ̀lɛ m̀óɔ ma kákpîŋ koi-pere, ‘Eberaɣɛ̃ɛ káa kúyêei a kúnâŋ,’ kpɛ́ni fêi, ŋá m̀ó kâa, Ɣâla a pɔ̂ri gɔni-ŋai ŋi kɛ̂i a Eberaɣɛ̃ɛ nonii.

Loníi ma máŋ ǹyuɔ̂i ŋá seɛɛ̂i ŋ̀úru-ŋai same ḿâ. Maa-mɛni ma ŋ̀úrii nyii kélee va ƃâ a m̀á lɛ́lɛɛi, da bɔ̀ŋ dí bili ŋɔŋ ŋá.”

Yɛ̂ɛ berei bɔ̃yɛɛ̂i la Ɣâla ŋɔlóno-kɛ-nuui Azaya ŋɔkɔlɔi sui, ǹyɛɛi, “Ǹyaa ƃa ǹúui ŋ̀óo káa tɛ̂i vɛ̃ɛ-kpâlaŋ su, ǹyɛɛi: Ka Kúnuu-namui ŋɔperei kpɛtɛ, ka ŋɔpere-ŋai su sã́a. Poto kélee lá a pâi fɛɛ̂i, yée kpaya-kpaya da bɛlɛ-pɛlɛɛi kélee dímaa a pâi yenîi, bere kpĩlaŋɔɔ-ŋai su a pâi sã́âi, bere kilɛ-kilɛ-ŋai su a pâi kɛ̂i nɛ̃ɛ-nɛ̃ɛ. À kɛ̀ tí, núu-kpune kélee a pâi Ɣâla ŋɔƃálo-laai kâai.”