Popular Bible Verses from Zôo 1

Share

Nya ƃe malôŋ è tòo Zôo ma è mù sìɣe é tɔ́ɔ é ŋɔseɣei fála ma, é ŋuŋ kálaŋ ma é pîlaŋ ŋ̀úme ŋá, é dôŋ-la pîlaŋ ǹɔii ma gɛ́ Ɣâla fɛ̀li. È mò ǹyɛɛ, “Ḿve pá ní ƃɛ́ a sɛŋ da, ǹyaŋ fé pâi liî a sɛŋ da. Yâwɛɛ ƃé dɛ̀ɛ ǹyaŋ, Yâwɛɛ aâ ŋɔ́nɔ zìɣe pôlu. Laa ma-tɛ é tɛ́ɛ Yâwɛɛ pɔ́.” Berei máŋ m̀ɛni-ŋai ŋí kélee è kɛ̀ la a Zôoi, vé sɔnyɔ̂ŋ dɔnɔ kɛ́ ní a Ɣâla kpaa máŋ é Ɣâla sɔŋ síɣe.

Nalôŋ tɔnɔ è wɔ́lɔ kɛ̀ naa, ǹáa ƃé kɛ̀ a Zôo. È wɔ́lɔ kɛ̀ a Uzi lɔii su nuu. Nalôŋ ŋí a kâa yao Ɣâla ma, kili-tɔɔ maa kɛ́ ƃò ǹyêei.

Yâwɛɛ è Sêtɔŋ marê kɛ̀ ǹyɛɛ mai, “Yâa ŋátii kɛ́-nuui Zôo káa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ.”

Nya ƃe Yâwɛɛ è Sêtɔŋ wóo su tòo ǹyɛɛ mai, “Aà, gɛ̀ ní zãai kélee gáa ǹyêei gáa íwala-wala-laai mu, kɛ́lɛ ífe mɛni da kɛ̀ a ŋɔfúlu-laai.” Gɛɛ tíi, Sêtɔŋ è nâa kùla naa é lí.